Biznesmen icra başçısı rayonun problemlərini niyə həll etmir? - Özünü toxunulmaz sayır?

Biznesmen icra başçısı rayonun problemlərini niyə həll etmir?
Bakının ən problemli rayonları siyahısında Sabunçunun özünəməxsus yeri var. Mətbuat səhifələrində çıxan yazılar, şikayətçilərin ünvanladıqları müraciətlər əsasında bu fikri söyləmək olar.

Şikayətlərin və iddiaların icmalını versək, söyləyə bilərik ki, Sabunçuda problemlər illərdir yığılıb qalıb və həllini gözləyir.

2019-cu ildə Sabunçu Rayon İcra Hakimiyyətində nöqsanlar aşkarlanıb. Bu barədə Hesablama Palatasının 2019-cu il üzrə hesabatında yazılıb.

Qanunsuzluqlar dövlət büdcəsindən ayrılan vəsaitlərin istifadəsinin auditi - büdcə vəsaitlərinin proqnozlaşdırılması, qanunauyğun, qənaətli və səmərəli istifadəsi ilə bağlıdır.

İcra hakimiyyətində büdcə üzrə yeddi, əsaslı vəsait qoyuluşu üzrə iki, dövlət satınalmaları üzrə beş, mühasibat uçotu və hesabatlılıq üzrə üç nöqsan aşkar edilib.

Təbii ki, icra hakimiyyətindəki nöqsanlar da problemlərin həllinin qarşısında sipər rolunu oynayır.

Bildirək ki, Sabunçu rayonunu Milli Məclisdə üç deputat təmsil edir - 26 saylı Sabunçu Birinci, 27 saylı Sabunçu İkinci, 28 saylı Sabunçu Üçüncü seçki dairələri.

28 saylı Sabunçu Üçüncü seçki Dairəsindən Milli Məclisə deputat seçilən Eldar Quliyev Sabunçunun problemləri barədə Oxu.Az-a danışıb.

Millət vəkili qeyd edib ki, Sabunçuda su qıtlığı yaşanır. E.Quliyev bildirib ki, təmsil olunduğu dairədəki ərazilərdə ara küçələr təmir olunmayıb.

Sabunçu ərazisində digər bir problem isə məktəb çatışmazlığıdır.

“Bu gün 80 minə yaxın əhalisi olan Maştağada məktəb çatışmazlığı mövcuddur. Mən məktəb tikintisi ilə bağlı təkliflər vermişəm”, - deyə E.Quliyev əlavə edib.

Deputat Sabunçuda sənədsiz ev probleminin də həll olunmamasına diqqət çəkib:

“Dəfələrlə bu barədə müzakirələr olub. Mən büdcə müzakirələri zamanı demişəm ki, nəinki Sabunçu üzrə, ümumilikdə respublikada sənədsiz evlər dövlət rüsumları əsasında qeydiyyata alınsın və büdcəyə də xeyir gəlsin”.

Bildirək ki, sözügedən rayonun icra başçısı Adil Vəliyev “Audi” və “Porsche” maşınlarının Azərbaycanda satışını təşkil edən yeganə şəxs olmaqla yanaşı, bir çox sahələrdə də biznes fəaliyyəti ilə məşğuldur.
Tarix: 10-07-2020, 15:45
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı