Şahmar Hüseynovun koronavirus alveri... - NARAZILIQ...

Şahmar Hüseynovun koronavirus alveri...
Nefçilərin Hüquqlarını Müdafiə Komitəsinin rəhbəri Mirvari Qəhrəmanlı sosial şəbəkələrdə Neft Daşları və Neft Qaz Çıxarma İdarəsində (NQÇİ) çalışan fəhlənin ona ünvanladığı məktubu paylaşıb.

DİA.AZ-ın məlumatına görə, məktubda bildirilir ki, pandemiya və sərt karantin dönəmində Neft Daşları və NQÇİ-də işçilər ara məsafəsi saxlanılmadan və maskadan istifadə etmədən çalışır. Həmçinin işçilərə virusdan qoruyucu ləvazimat və dezinfeksiyaedici məhlullar verilmir. Bundan baqşa, 100 qramlıq spirtin neft daşlarında çalışan fəhlələrə 22 manata satıldığı iddiası var.

DİA.AZ xəbər verir ki, məktubda “İşçilər ara məsafəsi saxlamadan və maskadan istifadə etmədən işə gətirilir. Artıq 16 gündür ki, dənizdəyəm. Hələ heç bir işçiyə maska və dezinfeksiyaedici məhlul verilməyib. Siz bu məsələni qaldıran kimi Qoçəli dərhal tapşırdı ki, işçilər deyil, mədən şöbə rəisləri maska alıb gətirsin və fəhlələrə versin. Onlar da nə alır, nə də verir. Sahildən spirt gətirməyə icazə vermirlər. Özümüzü qorumaq üçün 100 qramlıq spirti bizə 22 manata satırlar. Bəzi həqiqətlər var ki, onları yoxlayan yoxdur. Bizim idarənin rəisi karantində bir gün belə olubmu, qalıbmı? Oradakı acınacaqlı vəziyyəti görübmü?”.- deyə bildirilir.
Tarix: 27-06-2020, 14:21
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı