Binəqədidə küçələri kanalizasiya suları basdı


Binəqədidə küçələri kanalizasiya suları basdı – VİDEO
Binəqədi sakinləri çirkab sulardan “boğaza yığılıblar” 
 
Bakının Binəqədi rayonunun Mikayıl Ələkbərov küçəsində yaşayan sakinlər kanalizasiya suları və onun yaratdığı problemlərdən necə deyərlər, lap “boğaza yığılıblar”.  AYNA “Baku” TV-yə istinadən xəbər verir ki, ərazidən keçən üstüaçıq  kanalizasiya xətti vaxtaşırı daşaraq evlərin altına və küçəyə dolur. Sakinlər təkcə üfunət qoxusundan əziyyət çəkmirlər, həmçinin çirkab sularına övladlarının yıxılmasından  qorxurlar.
 
Binəqədi rayon İcra Hakimiyyəti isə məsələdən xəbərdardır. Qurumdan verilən məlumata görə, problem barədə “Azərsu” ASC-ə məlumat verilib.
 
“Rayon icra hakimiyyəti məsələdən xəbərdardır. Bu barədə “Azərsu” ASC-ə məlumat vermişik. Həmin qurumdan bizə verilən məlumatda ərazidəki problemin aradan qaldırılması üçün layihələndirmə aparılması və gələcəkdə məsələnin aradan qaldırılacağı bildirilib”, - deyə Bİnəqədi İcra Hakimiyyətinin baş məsləhətçisi Kənan Kərimov söyləyib.
 

Tarix: 23-06-2020, 13:38
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı