Razim Məmmədovun “davamçısı” Rafiq Quliyev - Eyni yol, eyni aqibətə aparır...


Təxminən 400 min əhalisi olan Xətai rayonunun sakinləri ozamankı icra başçısı Razim Məmmədovun zülmündən bezmişdi. Gündə 2 kilo dana əti yeyib sonra “Səkinə day qızı, naynay” mahnısına oynayan Razim Məmmədov vəzifədən gedəndə sakinlər sevindilər ki, zülm bitdi.
Ancaq yeni icra başçısı Rafiq Quliyev sakinlərin bu etimadını doğrultmadı. Əslində doğrulda da bilməzdi. Çünki Rafiq Quliyev Razim Məmmədovun idarəçilik məktəbini keçmişdi.
Təsəvvür edin ki, indiki başçı Rafiq Quliyev 23 yaşından Razim Məmmədovdan dərs almışdı.
1997-ci ildən Xətai rayon İcra Hakimiyyətində Ümumi şöbədə müfəttiş, 2003-cü ildən müfəttiş-inspektor, 2006-cı ildən 2012-ci ilədək həmin şöbənin müdiri vəzifələrində çalışmışdır.
2012-ci ildən 2013-cü ilədək Başçının müavini, 2013-cü il dekabrından 12.11.2019-cu il tarixədək başçının 1-ci müavini vəzifəsində çalışıb. 2019-cu ilin sonunda Xətai rayon İcra Hakimiyyətinin başçısı təyin olunmuşdur.
İndi gördünüzmü bu adam 23 il Xətai RİH-də çalışıb, Razim Məmmədovun yetişdirməsidir.
Ona görə də belə birindən yaxşı, mütərəqqi nəsə gözləmək özü mənasızdır. Axı, Xətai camaatına rəzaləti təkcə başçı Razim Məmmədov deyil, onun işçiləri olan Rafiq Quliyev kimilər də yaşadıb. Xətaidə kəsilən ağacların, məhv edilən yaşıllıqların, satılan obyektlərin, istirahət məkanlarının, küçə ticarətinin pullarını Razim Məmmədov gedib yığımırdı. Rafiq Quliyev kimi şöbə müdirləri, müavinlər bu işi icra edirdilər. Belə olan halda yeni icra başçıdan nəsə gözləməyin yeri yox idi. Və həqiqətən də icra başçısı təyin olunandan qısa zaman sonra Rafiq Quliyevin rayondakı qəssabxanaları, qoyun sürüsü və daha ekzotik işləri barədə mediada məlumatlar yayılmağa başladı.
Və Razim Məmmədov Rafiq Quliyevin yanında yalan oldu. Hətta məsələ o qədər qəliz oldu ki, sakinlər Rafiq Quliyevin obyektlərindən gələn əcaib səslərdən bəhs etdilər. Bəli, təəccüblənməyin, əcaib səslər.
Sən demə başçının rayon ərazisində yerləşən və icarəyə verdiyi obyektlərdən gecələr elə səslər gəlir ki, sakinlər səhərəcən yata bilmir. Həmin obyektlərdə nə iş görülür, gecələr orda nəqayrılır, nə istehsal edilir, bunu ancaq səlahiyyətli orqanlar araşdıra bilər.
Rafiq Quliyev də digər oliqarx məmurlar kimi obyektlərini öz adına deyil, qohum-əqrəbasının adına sənədləşdirib. Belə obyektlərdən bir neçəsini icra başçısı Rafiq Quliyevin kirvəsi İntiqam idarə edir.
Rafiq Quliyevin Xətai ərazisində yerləşən bir neçə avtoyuma-moykası da əhalinin narazılığına səbəb olur. Bütün günü, gecə-gündüz işləyən bu “moyka”lar ətrafda ciddi narahatlıq yaradır. Bu barədə sakinlər dəfələrlə dövlət orqanlarına şikayət ünvanlasalar da heç bir faydası olmayıb.
Daha öncə Gundelik-baku.com da videofaktlarla dərc etdiyimiz yazıdan açıq-aydın görünür ki, Rafiq Quliyev Xətai rayonunun mərkəzi küçələrini özünün ət dükanlarların yanında saxladığı mal-qara üçün ''otlaq'' yeri edib.
Bax, bütün bu sadaladıqlarımız onu bir daha sübut edir ki, Rafiq Quliyev kimi icra başçıları vətəndaşları hakimiyyətdən narazı salmaqla, öz şəxsi bizneslərini artırırlar.
Ancaq Rafiq Quliyev yaxşı olar ki, həbs olunan 7 icra başçısının qəzasını göz önünə gətirsin... //gundelik-baku.com//
Tarix: 18-02-2021, 17:03
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı