Eldar-Oqtay tandemi zərərsizləşdirilmiş kimi görünür, amma... - dövlətə, proseslərə təsir imkanları qalmaqdadır...

İllər ötür, vaxtilə hakimiyyət daxilində olmuş, hazırda revanşçı qruplar kimi fəaliyyətdə olduğu deyilən dəstələrin sıraları daha aydın şəkil alır. Sabiq milli təhlükəsizlik naziri Eldar Mahmudovun ətrafına toplanan, ona “stavka” edənlər bu gün çoxluqdadır. Mahmudovun personasına diqqəti artıran və əsas birləşdirici məqama çevrilən 2015-ci ildən sonra onun qəribə bir şəkildə toxunulmaz şəxsə çevrilməsidir. Sabiq nazirin kompromat baqajına bel bağlayıb yola çıxanlar sırasında sabiq spiker də var.
Düzdür, Oqtay Əsədov işdən çıxarılandan sonra və vəzifənin verdiyi imkanlardan kənar elə də ciddi bir fiqur deyil. Amma E.Mahmudovun yanında olması maraqlı bir gedişatdan xəbər verir. Bu gün “sprut”un başı əzilmiş vəziyyətdədir, amma kəsilməyib, ətraflarını pis-yaxşı idarə etmək qabiliyyətini də saxlayır. Heç kimə sirr deyildi ki, Mahmudov-Əsədov tandemi vəzifədə olarkən alternativ idarəçilik, gizli iqtidar komandası yaratmışdı.
Eldar Mahmudovun özünün hakimiyyət içərisində nazir, nazir müavinləri, komitə rəhbərləri və müavinləri, məhkəmə sədrləri və hakimlər, prokurorlar və müstəntiqlər, idarə və şöbə müdirləri, rəislər, deputatlar, partiya sədrləri, qəzet, sayt redaktorları, jurnalistlər və QHT rəhbərləri, hətta müğənni və artistlərdən ibarət çox böyük bir komandası vardı. Əsədov isə həmin komandanın lap başında qərar tutmuşdu. Parlament də bu iki vəzifəlinin qalasına çevrilmişdi. Bunu heç gizlətmirdilər də. Məsələn, 2015-ci ilin fevralında, daha dəqiqi, fevralın 9-da Eldar Mahmudovla Oqtay Əsədov Azərbaycan Qızıl Aypara Cəmiyyətinin yaradılmasının 95 illiyi ilə bağlı təbrikə imza atmışdılar. Həmin təbrik məktublarının surətləri KİV-lərdə qoşa verilirdi. Hər kəsə nazirlə spikerin sıx əlaqəsi haqda bu şəkildə mesajlar ötürülürdü. İlk baxışdan belə xırda nüanslar Mahmudovla Əsədov vəzifədə olanda ara-sıra gözə dəyirdi. İndi isə hər iki eks-məmurun yerində sakit oturduğu görünür. Görüntü belədir. Lakin istənilən müqaviməti təşkil edə biləcək gücdədirlər. Sabotajçı dəstələrini bir çırtma ilə hərəkətə gətirə bilərlər. İddialara görə, o qədər də uzaq olmayan paytaxtlarla bağlantıları da qalır.
Oqtay Əsədovun Rusiyanın paytaxtında qurduğu biznes və daşınmaz əmlakları ilə bağlı sensasion məlumatlar illərdir ki, mətbuat səhifələrində dövr edir. Məsələn, bir neçə il əvvəl Rusiya polisi Moskvada, Bakı küçəsi-29 ünvanında yerləşən obyektdə əməliyyat keçirmişdi. Həmin ünvanda yerləşən “Kapriz” adlı sauna-striptiz klubun Oqtay Əsədovun ailəsinə məxsus olduğu üzə çıxmışdı. Və bütün bunlar Oqtay Əsədov Azərbaycan dövlətində statusuna görə 4-cü şəxs olduğu günlərdə üzə çıxmışdı. Başqa ölkənin paytaxtında dəyəri 10 milyonlarla ölçülən obyektləri spiker ailəsinin hansı pulla və niyə aldığı, öz obyektində biabırçılıqların baş verməsinə nədən imkan yaratmaları da sual doğururdu.
Oqtay Əsədovun ailəsinin Moskvadakı hüquqi və sosial ünvanlarından biri də “Triumph Palace”da yerləşirdi. Bu bina Moskvada ən hündür yaşayış binasıdır. Daha dəqiqi, böyük bir kompleksdir. Həm də yalnız Rusiyanın deyil, Avropanın da ən yüksək yaşayış binasıdır. Çardağı ilə birgə hündürlüyü 214 metr, qülləsi ilə birlikdə isə 264 metrdir. Həmin binada Əsədovların 2 lüks mənzilə sahibliyi üzə çıxmışdı. Həmin mənzillərin birinin dəyəri devalivasiyaya qədər təxminən 2 milyon yarım, digərinin dəyəri isə 6 milyon dollar qiymətləndirilirdi. Ən əsası isə bu mənzillərin pəncərələri üzü Kremlədir...
İllər öncə Milli Məclisin spikeri Oqtay Əsədovun xidməti avtomobilində Milli Təhlükəsizlik Nazirliyinin binasına gedərək, nazir Eldar Mahmudovu iş otağında ziyarət etməsi mətbuatda böyük hay-küyə səbəb olmuşdu. Vəzifə səlahiyyətlərinə görə üst səviyyədə duran spikerin rəsmi tədbir olmadığı halda, bir nazirin kabinetinə getməsi çoxlarına haqlı olaraq şübhəli gəlmişdi. Oqtay Əsədov o dövrdə Eldar Mahmudovun kabinetinə getmə səbəbini onun 53 yaşının tamam olması ilə əlaqələndirmişdi. Lakin bu bəhanəyə inananlar çox olmadı. Üstəlik spikerin nazirlə ikilikdə söhbətinin saatlarla davam etməsi də diqqətdən yayınmamışdı. Oqtay Əsədov Eldar Mahmudovun “osvedomitel” rolunu bacarıqla yerinə yetirirdi. Əməliyyat işində belələrinə böyük ehtiyac var. Hər yerdə belə “qulaq”ların varlığı geniş şəbəkə qurmağa, həmin şəbəkə üzərindən işlər çevirməyə, ən müxtəlif təbəqələrin üzvlərinə tələlər düzəltməyə əlverişli şərait yaradır. Oqtay Əsədov da Eldar Mahmudova məlumatlar ötürürdü. Çox ciddi planları da var idi. Eldar Mahmudov hakimiyyəti devirməli, Oqtay Əsədovun rəhbərliyi altında yeni hakimiyyətin legitimliyi təsdiq olunmalı idi... Hər halda indiyədək ortada olan bu iddiaları nə E.Mahmudov, nə O.Əsədov təkzib edib. Susmağın özü də bir razılıq əlaməti sayılır.
Bu planının varlığı Mahmudovun ağına-bozuna baxmadan hər kəsdən pul qoparmaqda, qudası Cahangir Hacıyev vasitəsi ilə yarıdan çoxu dövlətə məxsus bankı “xortumlamaq” həvəsini də artırmışdı.
Bankı boşaldıb pulları xaricə transfer etmişdilər. Gözlədikləri baş verəndən sonra həmin astronomik məbləğlər hesabına ayaqda qalmağı planlayırdılar.
Eldar Mahmudovun dedikləri Oqtay Əsədov üçün qanun idi. Milli Məclisin Aparatı “mtnşik”lərlə, onların qohum-qardaşları ilə doldurulmuşdu. Əlbəttə, belə təyinatlar zamanı səriştə arxa planda olurdu. Məsələn, Eldar Mahmudovun “vuran əli” hesab olunan MTN generalı Akif Çovdarovun oğlu da Milli Məclis Aparatında yuxarı başda qərarlaşmışdı. Gəncənin keçmiş icra başçısının oğlu da Oqtay Əsədovun işçisi idi. Ailə-klan mənsubiyyətinə görə Milli Məclis Aparatına ayaq açanlar oradakı peşəkar kadrlara işləməyə imkan vermirdi. Bu tandem hakimiyyətə gələcəyi təqdirdə, fərqli bir situasiyanın şahidi olmayacaqdıq. Hazırda hakimiyyətdən kənar qalan Əsədovla Mahmudovun köhnə planlarından əl çəkdiklərini də kimsə söyləyə bilməz.
Düzdür, bu iki eks-məmurun gizli-aşkar agentlərindən bəziləri indi deputat deyillər. Məşhur agent-deputat 2015-ci ildən sonra istifadə müddəti bitmiş məhsul kimi kənara atılıb. O tək deyil, belələri siyasətdə yetəri qədərdi. Lakin ölkə Prezidentinin iradəsi, qətiyyəti bu cür agentura tullantılarının Milli Məclisə düşməsini, siyasətdə böyük təsir imkanlarına sahiblənmələrini əngəlləyir.
“Yeni Müsavat”
Tarix: 4-07-2020, 08:20
-
Bu gün, 21:53
Qanunsuz ovçulara qarşı QANUN POZUNTUSU - ETSN gözdən pərdə asır...
-
Bu gün, 21:53
Adil Əliyev birinci Qarabag müharibəsi əlilindən Yeni Suraxanıda nə istəyir – TƏFƏRRÜAT
-
Bu gün, 21:52
Vüqar Sədibəyli Abşeronun “göbəyində” qanuna meydan oxuyur: Yüzlərlə ailə ayağa qalxdı…
-
2-03-2025, 11:59
Direktorun səsyazısı yayıldı - “Mənə dilənçi payı lazım deyil”
-
1-03-2025, 11:40
Məmur oğlu 1 milyon 300 mini Alışana niyə veribmiş? - ŞOK Detallar
-
28-02-2025, 16:32
İlhamə xanımın BUFET YEYİNTİSİ... - Dövlətə vergi belə vermir...
-
28-02-2025, 11:36
Polisdən maliyyə piramidalarına qarşı əməliyyat: 500 min manatlıq dələduzluq sistemi ifşa edildi
-
28-02-2025, 09:29
Bərdədən tükürpədici səs yazısı: "Cənab Prezident, Vidadi İsayevin işçiləri bizi qırır" - VİDEOMÜRACİƏT
-
27-02-2025, 11:05
Dövlət adından oynanan QUMAR... - «Poz-qazan»ın sirri açılır…
-
27-02-2025, 11:05
Gömrük sisteminin ŞÜBHƏLİ TENDERLƏR seriyası... DAVAM EDİR!
-
27-02-2025, 11:05
Millət vəkili Könül Nurullayevanın bahalı aksesuarı diqqət çəkib - FOTO, VİDEO
-
27-02-2025, 11:05
Eldar Əzizov Ramin Abdullayevin “qara kassasını” yenidən “diriltdi” -DETALLAR
-
27-02-2025, 11:04
“OBA”-dan açıqlama: “Heç bir mağazamızda qaz təsərrüfatına aid avadanlıqlardan istifadə edilmir”
-
26-02-2025, 13:00
Vidadi İsayevin işçisi Bərdədə "gücünü arvadlara göstərir" -VIDEO
-
25-02-2025, 17:59
"Kömək edin... Şahmar ibadov bunuda etdi?" - Keçmiş İcra Başçısının 1 ci müavinindən şikayət... AUDİ yazı/İDDİA
-
25-02-2025, 17:31
Bir ildir komada olan 11 yaşlı Xədicənin anası: 'Uşağımı bu vəziyyətə salan həkimləri qoruyurlar'
-
25-02-2025, 17:30
Pirverdiyevin başı “Azercell”ə qarışıb: “AzTeleKom”un 21.7 milyonluq tenderi ləğv edildi
-
25-02-2025, 11:02
Mirzoyandan yaramaz uşaq hərəkəti
-
25-02-2025, 11:01
Daria Qrevtsova: “Ermənistan konstitusiyasını dəyişməyənə qədər sülh OLMAYACAQ”
-
24-02-2025, 21:51
Mehdiabaddakı 1 saylı orta məktəbdə "8 mart" yığımı başlayıb?! -... direktor aciz qalıb
-
24-02-2025, 21:49
Sumqayıtda müəllimlərin əmək haqları niyə verilmir? – ŞİKAYƏT
-
24-02-2025, 10:40
Sahibsiz Bakı... - şəhəri iki günə iflic qoyan üç məmur kimdir?
-
23-02-2025, 17:28
Emin Əmrullayevin dostu valideynlərə DİVAN TUTUR: “Qalmışıq o Allahsızın əlində”
-
23-02-2025, 16:57
Ağlar günə qalan səhiyyəmiz...
-
23-02-2025, 16:56
Lənkəranın memarı sahibkara niyə zülm edir? - VİDEO
-
23-02-2025, 16:55
“Gold Məkan” qanunları SAYMIR: işçisinin fiziki zorakılığı necə gizlədilir? – FOTOLAR
-
23-02-2025, 16:19
Arvadı mühasib, qardaşı oğlu müavin idi- Bələdiyyə sədri maaşları özü alıb- TƏFƏRRÜAT
-
23-02-2025, 16:15
Rəfail Mehralıyevin yeznəsini tenderlərdə qalib edən qurumun 1.8 milyon borcu var
-
22-02-2025, 21:48
Turizm Agentliyi elə bir oyun qurub ki... - Dİ GƏL, BAŞ ÇIXAR...
-
22-02-2025, 21:46
İndi bu Cəbrayılov kimin adamı oldu belə?.. - İSTƏDİYİNİ EDİR...