Üzrü qəbahətindən böyük: - Sabiq məmurlaırn tövbəsinə inanmaq olar?

Üzrü qəbahətindən böyük:
“Ramiz Mehdiyev bundan sonra 100 il ibadət etsə belə Allah onun ibadətini qəbul eləməz. Gərək etdiyi əməlləri səmimi şəkildə özü-özünə etiraf və buna şahidlik etsin”.

Bu sözləri Cebhe.info-ya açıqlamasında Azərbaycan Demokrat Partiyasının (ADP) sədri Sərdar Cəlaloğlu vəzifədən çıxandan sonra məmurların dinə, imana qayıtmaları, Allaha ibadət etmələri ilə bağlı məsələdən danışarkən deyib. Onun sözlərinə görə insan çətinliyə düşəndən sonra Allaha sığınırsa, bu səmimi etiqad deyil:

“Qurani Kərim” də bununla bağlı deyilir. Yəni insan firavanda, azadlıqda olanda yox, çətinlikdə olanda Allah yada düşür. Bu adamlar hakimiyyətdən, vəzifədən uzaqlaşıblar və müəyyən qədər çətinliklərlə üzləşiblər. Bu an Allah yada düşür ki, sən demə bu dünyada ədaləti bərqərar edən bir güc var. Buna görə də Allaha inanmağa başlayırlar və peyğəmbərdən, “Quran”dan sitat gətirilər. “Quran”da buyurulur ki, bütün insanlar istəsə, istəməsə də Allah onların qəlbinə özünün varlığı haqqında həqiqəti deyir. Amma dünya malı və şeytanı Allah onların yadından çıxarır. Elə ki, çətinliyə düşürlər, artıq dünya malı və şeytan onların gözündə funksiyasını itirir. Yenidən Allaha tərəf qayıtmağa başlayırlar.

Bu məsələ könüllü Allaha qayıtmaqdan onunla fərqlənir ki, bu insanlar məcburiyyət qarşısında dinə qayıdır, namaz qılır və ibadət edirlər. Öz xoşuna firavanlıq dövründə, vəzifədə olanda Allah, İman, Peyğəmbər yada düşməyib, özünü Allaha şərik qoşub ki, guya özü də Allahdır. Düzdür, kimsə tövbə edib, Allahın yoluna qayıda bilər. Amma bunun üçün o, mütləq tövbə etməyi bacarmalıdır. Əgər bu gün kimsə bundan əvvəl etdiyi əməllərə görə özünə haqq qazandırmaq istəyir, ona-buna hədə-qorxu gəlmək istəyirsə, çalışırsa ki, özünün ifşasının qarşısını alsın, bu halda Allahı yada salmağın heç bir mənası yoxdur. Çünki Allah o insanları bağışlayır ki, onlar səmimi qəlbdən səhv etdiklərini, yalnış bir yolda olduqlarını, etiraf etsinlər. “Qurani- Kərim” də belə bir ayə var. Orada deyilir ki, “Hətta özünüzün əleyhinə olsa belə şahidlik edin ki, ədalət bərqərar olsun”. O adamlar həqiqətən Allahın yolunda olduqlarını sübut edə bilərlər ki, özləri özlərinin keçmiş əməllərinə şahidlik etsinlər. Ona görə də belə insanlar çıxıb etiraf etməlidirlər ki, biz xalqa qarşı genosid etmişik, oğurlamışıq, talamışıq, başqalarının haqqına girmişik. O zaman Allah bu insanların səmimi etirafını qəbul edəcək və bağışlayacaq. Çünki Allah bağışlayandır və Allahın bağışlanmağı boldur. Yalnız şeytana uyanlar Allahın bağışlayacağına inanmayanlardır”.

Partiya sədri əlavə edib ki, məsələn, Ramiz Mehdiyev hələ də günahkar olduğunu, hakimiyyətdə olduğu dövrdə ölkənin başına açdığı oyunları etiraf eləmir: “Hələ istəyir ki, özünü müdafiə etsin və kimlərisə məhkəməyə versin. Üstəlik kimlərəsə də hədə-qorxu gəlir.

Çıxıb deməlidir ki, bütün bu illərdə vəzifəyə, pula görə haqqı və xalqı unutdum, insanların haqqına girdim, harama əl uzatdım, həyatımı günah içində yaşadım. Yoxsa ki, bütün ömrümü əyyaşlıqla keçirim, halal-haram deməyim, uşaqları yetim, qadınları isə dul qoyum, insanları ac-susuzluğa məruz qoyum, sonra da çətinliyə düşəndə Allaha döndüm deməklə olmur. Allah Təala deyir ki, münafiqlərin Kəbədə namaz qılmaları fit çalıb əl çalmağa oxşar. Ona görə də tövbə və özü-özünə şahidlik etmədən dinə qayıdan insanların ibadəti münafiqlərin ibadətinə bənzəyər”.
Tarix: 27-08-2020, 21:51
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı