Tramp Putinlə bağlı açıqlaması ilə Moskva Birjasını ÇÖKDÜRDÜ

Sentyabrın 2də axşam saatlarında Moskva Birjasının indeksi (IMOEX2) 1,65%-ə qədər enərək minimumda 2841,94 bəndə düşüb.

Hurriyyet.az xəbər verir ki, bu, saat 20:50-yə olan ticarət məlumatlarında əksini tapıb.

Daha sonra bazar qismən toparlanıb: saat 21:35-də eniş 1,54%-ə qədər azalıb və indeks 2845,17 bənddə dayanıb.

Bu eniş ABŞ prezidenti Donald Trampın Rusiya lideri Vladimir Putinlə bağlı “çox məyus olduğunu” bildirməsindən sonra baş verib.

Saat 21:57-yə olan vəziyyətə görə “Polyus” (+1,2%), “Transneft” (+0,17%) və “Astra Qrupu” (+0,12%) şirkətlərinin səhmləri artımda olub. Eyni zamanda “Rusal” (-3,35%), “En+” (-3,21%) və Moskva Kredit Bankının (-3,2%) səhmləri ucuzlaşıb.

Sentyabrın 2-də Tramp yenidən bəyan edib ki, Ukraynada döyüşlərin davam etməsi səbəbindən Putindən çox məyusdur. Britaniyanın "The Times" nəşri isə qeyd edir ki, Trampın Avropa liderlərinə qarşı da ciddi iradları var, çünki onlar “Kiyevi daha sərfəli sülh şərtlərindən imtina etməyə sövq edirlər”.