Arutyun Mesropyan: “Xalqına, ölkəsinə, milli dəyərlərə və adət-ənənələrə əhəmiyyət verməyənlər hakimiyyətə gəliblər”
“İndi söhbət Qarabağdan yox, bütün ermənilərin qorunmasından gedir”. AYNA erməni mediasına istinadən bildirir ki, bu sözləri Ermənistanın tanınmış iqtisadçı alimi Arutyun Mesropyan deyib.
İqtisadçının sözlərinə görə, Ermənistanın başına gələn fəlakətlər çoxdan planlaşdırılıb: “Mövcud vəziyyətdən və mənəvi tənəzzüldən çıxmaq üçün sərtlik göstərmək lazımdır”.
“Ukraynada inqilabdan sonra hakimiyyətə millətçilər gəldi. Onlar demək olar ki, ölkəni məhv edirdilər. Bundan sonra millətçiləri liberal adlandırılanlar əvəz etdilər. Ermənistanda isə hər şey fərqlidir. Bizim üçün fərqli bir ssenari hazırlanıb. Xalqına, ölkəsinə, milli dəyərlərə və adət-ənənələrə əhəmiyyət verməyənlər hakimiyyətə gəliblər. Qrant hesabına yaşayırlar. Təbii ki, bu adamlar müstəsna rusofoblardırlar. Onların yerini başqa qrant yeyənlər - millətçilər tutacaq”, - iqtisadçı qeyd edib.
Mesropyan deyib ki, Ermənistanda bu cür təzahürlər dünən yaranmayıb: “Hər şeyə göz yumulması halı əvvəlki üç prezidentin dövründə yaranıb”.