Araik könüllü dəstə komandirlərini başına topladı - Həm də “Berdzor” yezidilərini...-FOTO

İrəvanda “işgüzar” səfərdə olan son 30 ildə Azərbaycan Respublikasının bir hissəsində qondarılmış separatçı-terrorçu erməni rejiminin  başçısı, Azərbaycan dövlətinin İnterpolla axtarışa verdiyi Araik Arutyunyan  qondarma qurumun Ermənistan paytaxtındakı nümayəndəliyində I və II  Qarabağ döyüşlərində iştirak etmiş  işğalçı dəstə komandirlərini qəbul edib. 
 
Moderator.az  xəbər verir ki, bu haqda erməni Xankəndi və İrəvandakı erməni nəşrləri məlumat yayıb.
 
"Şanlı döyüşçülər", "Aramo",  “Berdzor”(ermənilər Laçını belə adlandırırlar-S.L.) xüsusi yezidi dəstəsi, həmçinin  “Artsax” “qəhrəman”ı, Laçındakı xüsusi müdafiə dəstəsinin komandiri, general-mayor Vardan Avetisyanın qatıldığı görüşdə  44 günlük savaşdan sonrakı  “bərpa prosesləri, daxili və xarici problemlər və bunların aradan qaldırılması üçün tədbirlər” müzakirə edilib.
 
Xatırladaq ki, bundan öncə də Araik Xankəndində daha bir neçə dəfə digər erməni komandirləri qəbul edib.

---