Tofiq Zülfüqarov: “Separatçılar Azərbaycanla Rusiya sülhməramlılarını qarşı-qarşıya gətirməyə çalışırlar”
 
Qarabağ ətrafında son vəziyyət mənfi tendensiyada inkişaf edir. Təslimə imza atan erməni tərəfi düşdüyü vəziyyətlə barışmaq istəmir, buna görə də Azərbaycan və Türkiyəni Rusiya ilə qarşı-qarşıya qoymaq üçün müxtəlif növ təxribatların sayı artmağa davam edir.
 
Bu yaxınlarda separatçıların “Təhlükəsizlik Şurası”nın rəhbəri Vitali Balasanyan verdiyi müsahibədə “Artsaxın ordusu olub və olacaq” dedi. Bu açıqlamadan sonra erməni mətbuatı Qarabağda əhaliyə silah satışı və daşınmasının sadələşdiriləcəyini və bunun “yerli əhalinin Azərbaycan ordusundan qorunması üçün bir tədbir” olaraq edildiyini bildirdi. Öz növbəsində, Azərbaycanın xarici işlər naziri Ceyhun Bayramov erməni tərəfini Qarabağa hərbi qüvvələrini göndərməkdə günahlandırdı.
 
Belə bir vəziyyətdə ortaya bir sıra suallar çıxır: Ermənilər hamısı orada silahlanmağa hazırlaşırsa, bəs orada sülhməramlı qüvvələr niyə dayanıb? Bu sülhməramlı qüvvələr olmadan da Azərbaycan Qarabağdakı erməni və azərbaycanlı əhalinin təhlükəsizliyini təmin edə bilərdi. Əgər Rusiya sülhməramlı qüvvələri ermənilərin öhdəsindən gələ bilmirsə, bunun əvəzinə fəaliyyətləri sülhməramlı missiyanın bütün beynəlxalq tələblərinə cavab verəcək beynəlxalq bir kontingentin bölgəyə girməsinə icazə verilməsi daha məntiqli olmazdımı? Bəzi mütəxəssislər vəziyyətin bugünkü reallıqlara uyğun inkişaf edəcəyi təqdirdə, ikinci bir müharibənin qaçılmaz olacağına inanırlar.
 
Döyüşlərin bərpasının mümkünsüz olduğuna əmin olan Azərbaycanın sabiq xarici işlər naziri, politoloq Tofiq Zülfüqarovun AYNA-ya dediyinə görə, rəqib hərbi əməliyyatlar aparmaq üçün bütün imkanlarını itirib, lakin bu, onun bəzi təxribatlara gedə biləcəyini istisna etmir: “ Bu təxribatlar, rəqibimizin potensialının olmaması səbəbindən genişmiqyaslı hərbi əməliyyatlar xarakteri daşımayacaq. Bu təxribatlar Qarabağdakı vəziyyətin mürəkkəbləşdirilməsinə, Rusiya sülhməramlıları ilə Azərbaycanı üz-üzə qoymağa yönəldilə bilər. Bu cür hərəkətlər istisna edilə bilməz”.

Müsahibimiz bildirib ki, indi Qarabağda yaşayan ermənilər, onların siyasi elitası ya indi bəzi təxribatlar həyata keçirəcəklərini düşünürlər: “Lakin Azərbaycanın və tərəfdaşlarının - Türkiyə və Rusiyanın yaratdığı vəziyyətlə barışmalı olduqlarını da anlayırlar. BMT-nin yalnız 25 min erməninin Qarabağa qayıtdığını bildirən hesabatlarından narahat olmaları problemi daha da çətinləşdirir. Demək, demoqrafik göstəricilərə etibar etmək onlar üçün əsaslı deyil. Hər kəs 25 min insanın cəmi iki böyük yaşayış məntəqəsi olduğunu başa düşür. Ermənilər pandemiya ilə əlaqədar dünyada mövcud olan məhdudiyyətlər götürüldükdən sonra daha çox insanın bu əraziləri tərk edəcəyini başa düşürlər. Buna görə də onlar üçün təhlükəli meyllər ərəfəsində ermənilərin bəzi təxribatlarını istisna etmirəm. Vəziyyətin belə inkişafına hazır olmalıyıq”.
 
Digər tərəfdən, indi erməni KİV-ləri və “Telegram” kanalları “Qırmızı bazar” qəsəbəsinin əvəzində Azərbaycanın əlində olan erməni təxribatçılarının mübadiləsini təklif etdiyinə və “erməni tərəfi üçün bunun yolverilməz” olduğuna dair şayiələr yayır. Zülfüqarov qeyd edir ki, bu cür mətnləri dərc etməklə erməni mediası bir daha reallıqdan təcrid olunduğunu sübut edir: “Axı, Azərbaycan öz torpaqlarını almaq üçün terrorçuları geri göndərməyəcək. Ermənistan bu əraziləri ilhaq etməyə çalışdı və Azərbaycan ordusu layiqli cavab verdi. İndi ermənilər bütün kanallardan istifadə edərək bizi təxribatçıları özlərinə təhvil verməyə məcbur edirlər. Onları niyə verməliyik? Azərbaycan təxribatçıları saxlamaqla sülhməramlı qüvvələrin məsuliyyət zonasında olan ərazilərə getmək istəyən Ermənistan vətəndaşlarının bunu yalnız Azərbaycan səlahiyyətlilərinin icazəsi ilə edə biləcəyini göstərir”.
 

Politoloq əlavə edib ki, Ermənistan silahlı qüvvələrinin qalıqları hazırda sülhməramlıların olduğu Azərbaycan ərazilərini tərk etməlidir: “Onlar bilməlidir ki, hansısa mərhələdə bu erməni qüvvələri terrorçu kimi Azərbaycanın girovunda ola bilərlər”.

 
“Erməni mediasının yazdığı mübadilə qeyri-mümkündür, çünki indi Rusiya sülhməramlılarının olduğu ərazilər, gec-tez başladılan sülh prosesi çərçivəsində Azərbaycanın nəzarətinə keçəcək. İndi Ermənistan silahlı qüvvələrinin Azərbaycan ərazisini tərk etməsi vacibdir və bu məsələdə heç bir güzəşt ola bilməz. Qarabağdakı ermənilərin təhlükəsizliyi qanuni olaraq indi yalnız sülhməramlı qüvvələr tərəfindən həyata keçirilə bilər və başqa yol yoxdur. İşlər belə davam edərsə, bu, erməni hərbçilərinin Azərbaycan qoşunlarının qanuni hədəfinə çevrilməsi ilə nəticələnəcək”, - deyə sabiq nazir vurğulayıb.

---