Xankəndindən iki “deputat” Laçından keçib Moskvaya QONDARMA "SOYQIRIM" TƏDBİRİNƏ YOLLANDI..-SUSACAĞIQMI?.

Bunların qarşısını almağın vaxtı çatmayıbmı?..
Azərbaycan torpaqlarında hələ də ürək bulandıran separatçı-terrorçu erməni rejiminin qanunsuz “qanunverici” qurumunun “Artsax demokratik partiyası” fraksiyasının rəhbəri David Melkumyan və katibi Geqam Stepanyan Rusiya Federasiyasında işgüzar səfərdədirlər. 
 
Moderator.az xəbər verir ki, bu barədə "Armenpress" müxbirinə qanunsuz qurumun saxta “deputat”ı Geqam Stepanyan danışıb. 
 
Azərbaycan Respublikasının Xankəndi şəhərindən çıxıb Laçındakı sərhəd-keçid məntəqəsindən keçməklə  Rusiya paytaxtına etdikləri səfər çərçivəsində separatçı “deputat”lar 15 mart tarixində Moskvada keçirilmiş “ “Soyqırım” və Birinci Dünya Müharibəsi. Beynəlxalq müqavilələr. Tarixi paralellər” adlı üzdəniraq konfransda iştirak ediblər. Konfransa Ermənistan və Rusiya ictimai-siyasi strukturlarının və akademik dairələrin nümayəndələri də qatılıblar.
 
Geqam Stepanyan Moskvaya “işgüzar səfər”ləri zamanı bir sıra vacib görüşlər də keçirməyi planlaşdırdıqlarını bildirib.
 
P.S. 44 günlük savaşdakı qələbəmizdən sonra da torpaqlarımızda qalan işğalçı və separatçı xislətli ermənilər  Laçındakı Ermənistanla dövlət sərhədimizdən sərbəst şəkildə o tərəf-bu tərəfə gedib qayıtmaqla dövlətimiz, xalqımız əleyhinə məkrli təbliğatlarını,  xain planlar qurmaqlarını davam etdirirlər. Bunların qarşısını almağın vaxtı çatmayıbmı?..

---