Gəncə şəhər İcra Hakimiyyətinin YALANI İFŞA OLUNDU


Bir neçə gün öncə, ajans.az Gəncə şəhərində küçələrin bərbad vəziyyətdə olması, ağacların quruması haqqında məlumat vermişdi.

Neqativ.com  xəbər verir ki, məlumat paylaşıldıqdan sonra, ajans.az-ın rəsmi İnstagram hesabına Gəncə şəhər İcra hakimiyyətinin rəsmi səhifəsindən məsələ ilə bağlı şərh bildirilib və bununla bağlı ETSN-nin 10 saylı Regional Ekologiya və Təbii Sərvətlər İdarəsinə müraciət ünvanladıqlarını deyiblər.

Şərhdə qeyd edilib ki, mütəxəssislər şam ağaclarının xəstəlikdən quruduğu qənaətinə gəliblər və qurumuş ağacların kökündən çıxarılaraq məhv edilməsi ilə bağlı qərar verilib.

Ajans.az mövzunu aydınlaşdırmaq üçün Ekologiya və Təbii Sərvətlər Nazirliyinə rəsmi sorğu göndərib. Dövlət Ekoloji Ekspertiza Agentliyinin mətbuat katibi Elnur Ağayev Ajans.az-ın sorğusuna cavab olaraq bildirib ki, son aylarda Agentliyə Gəncə ərazisindən Eldar şamı ağaclarının xəstəlik səbəbindən kütləvi şəkildə quruması ilə əlaqədar heç bir müraciət daxil olmamışdır. Bu açıqlama Gəncə Şəhər İcra Hakimiyyətini yalanını ifşa etmiş oldu.


Ekologiya və Təbii Sərvətlər Nairliyinə müraciətdən dərhal sonra, Gəncə şəhər İcra hakimiyyəti yazdığı şərhi silib. Yeni yazılan şərhdə isə ETSN-nə rəsmi müraciət etmələri və quruyan ağacların kökündən çıxarılaraq məhv edilməsi barədə mütəxəssislərin rəy verməsi ilə bağlı cümlələri şərhdən siliblər. Bizim hər iki şərhi foto yaddaşda saxlamağımız Gəncə Şəhər İcra Hakimiyyətinin yalanını bir daha ifşa etmiş oldu.

Bu məsələdən bir daha aydın olur ki, Gəncə şəhər İcra başçısı Niyazi Bayramovun rəhbəhrlik etdiyi strukturun əməkdaşları Ekologiya və Təbii Sərvətlər Nazirliyinin fəaliyyətini kölgə altında qoyur.

Tarix: Dünən, 16:07
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı