Fransanın XİN rəhbəri ermənipərəst rəsmilərin təkliflərini rədd etdi



Fransanın Xarici işlər naziri Jan-İv Lö Drian (Jean-Yves Le Drian) ölkənin bir sıra deputat və merlərinin Dağlıq Qarabağ münaqişəsi məsələsində ermənilərin tərəfinə keçmələri çağırışlarını rədd edib.
Bu barədə "Report"un Fransa bürosu xəbər verir.
Məlumata görə, nazir Fransanın Milli Assambleyasında deputatlar qarşısında çıxış edərkən Dağlıq Qarabağ münaqişəsinin həllində vasitəçi statusu ilə əlaqəli olaraq, ölkənin bu məsələdə neytral mövqeyini saxlayacağını vurğulayıb.
“1994-cü ildə ATƏT-in Rusiya, ABŞ və bizə həvalə etdiyi missiya Fransanın üzərinə bitərəf mövqe tutmaq tələbi qoyur”, - Jan-İv Lö Drian bildirib. "İki ölkənin birinin və ya digərinin tərəfini tutmağımız düzgün olmaz” - o əlavə edib.
Xatırladaq ki, ötən həftə Fransanın 170-dən çox bələdiyyə sədri, deputat və senatoru hökuməti Dağlıq Qarabağ münaqişəsi məsələsində neytral mövqedən çıxmağa və Ermənistanı dəstəkləməyə çağırıb.
Tarix: 14-10-2020, 08:09
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı