Rusiyalı siyasilər: “İrəvan cəbhədə fiaskoya uğrayıb, daha pis olacaq”

“Dağlıq Qarabağdakı hərbi əməliyyatlar göstərir ki, Ermənistanın baş naziri Nikol Paşinyanın münaqişə başlayandan bəri atdığı bütün addımlar düşünülməmiş olub və şöhrət naminə həyata keçirilib”.
Bizim.Media-nın məlumatına görə bu bardə Rusiyanın "yugsn.ru" nəşri yazıb.
“Bu uğursuzluq Ermənistanın çoxlu sayda şəxsi heyət və texnika itgisində, həmçinin Ermənistan qoşunlarının, kəşfiyyatın bütün cəbhə boyu məğubiyyətində özünü biruzə verir”.
Yazıda deyilir ki, Ermənistanın hazırkı hökumətinin döyüş meydanında strategiyası da yoxdur:
“Paşinyan atəşkəsə razılaşmır, Rusiya Prezidenti Vladimir Putinlə görüşmək istəyir və KTMT-dəki bəzi müttəfiqlik öhdəliklərindən bəhs edərək kömək istəyir. Lakin baş nazir unudur ki, Rusiya Ermənistana yalnız bu ölkənin hücuma məruz qalacağı təqdirdə kömək edə bilər”.
Tarixçi-şərqşünas, politoloq, keçmiş hərbi komandir İqor Dimitryev Ermənistan baş naziri barədə bildirib ki, qələbədən sonra vəd etdiyi islahatları həyata keçirə bilmədi və Sorosun qrant yeyənləri ilə komandasını formalaşdırdı.
Beynəlxalq münaqişələr üzrə ekspert Yevgeni Mixaylov isə bildirib ki, əgər Ermənistanda çevriliş şəraiti yaransa, Paşinyanın qaçmağa yeri olmayacaq, erməni xalqı onu istənilən yerdə tapacaq:
"Ermənistanda ilk növbədə dövlət hakimiyyətinin dağılmasının pik həddə çatması tamamilə aydındır. Paşinyanın Soros rejimi siyasəti öz xalqı üçün yalnız bəlalar gətirdi. Paşinyan öz rusofobiyası ilə Moskvanı ölkədən uzaqlaşdırdı və indi İrəvan öz şovinizminin bəhrəsini görür”.
Ekspert onu da vurğulayıb ki, İrəvan bu gün bütün cəbhələrdə tam fiaskoya uğrayır və getdikcə vəziyyəti daha da pis olacaq.

---