Almaniya alimləri spirtli ikinin kiçik dozasının orqanizmə xeyri haqqında illərlə yaranan mifi alt-üst ediblər.
Cebhe.info xəbər verir ki, Qreyfsvald Universitetinin alimləri spirtli içkilərin kiçik dozasının vaxtından əvvəl ölüm riskini azaltmadığını ortaya çıxarıblar. Məlum olub ki, ömrü qısaldan xəstəlikləri olan insanlar adətən alkoqoldan imtina edirlər. “PLOS Medicine” jurnalında dərc edilən araşdırmaya görə, ölüm nisbətindəki fərqə səbəb olan bu amildir.
Alman alimləri ölkənin 4028 yetkin vətəndaşı haqqında məlumatları təhlil ediblər. 1996-1997-ci illərdə 18-64 yaşlı respondentlər sağlamlıq vəziyyəti, alkoqol və narkotikdən istifadə və digər pis vərdişlər barədə anketlər doldurublar. Tədqiqatçılar xəstələrin 20 illik müşahidəsi nəticəsində ölümlə bağlı məlumat əldə ediblər.
Beləliklə, mütəxəssislər orta dərəcədə spirt istehlakının faydaları haqqında mifi dağıdıblar. Onlar alkoqollu içkilərin insan orqanizminə müsbət təsir göstərməsi ilə bağlı yayılan fikirləri təkzib ediblər.
“Az və orta dərəcədə spirtli içki qəbulunun sağlamlığa müsbət təsir edə biləcəyinə uzun müddət inanıblar. Bu, çay içənlərin yüngül və ya orta dərəcədə içənlərdən daha tez öldüyünə dair sübutlara əsaslanırdı", - deyə universitetin Tibb Məktəbinin tədqiqat rəhbəri Ulrix Con bildirib.
Məlum olub ki, vaxtından əvvəl ölümün səbəbi spirtdən imtina ilə bağlı deyil. Səbəb xroniki xəstəliklər, gündəlik siqaret, narkotik istifadəsi, keçmişdə alkoqoldan sui-istifadədir. Spirt bu hallarda qoruyucu təsir göstərə bilməz.

---