"Naməlum ölkə" gözlənilmədən Rusiyaya alma tədarükü sahəsində liderliyi ələ alıb və ənənəvi tədarükçüləri, o cümlədən Azərbaycanı da sürətlə kənarlaşdırıb.

Bu barə Rusiya KİV-ləri yazıb.

 "Naməlum ölkə" Azərbaycanı Rusiya bazarından çıxarır

Federal Gömrük Xidmətinin yanvar-avqust aylarındakı məlumatlarına görə, Rusiya "naməlum ölkə"dən 104 min ton alma idxal edib. Ümumiyyətlə, bu müddət ərzində idxalın həcmi 598 min ton təşkil edib ki, bu da keçən ilin eyni dövrü ilə müqayisədə 12% çoxdur. Almaların çoxu - 179 min ton Moldovadan tədarük edilib, “naməlum ölkə” ikinci yerdə olub.

Yeni təchizatçıya ilk diqqət çəkən Rusiya Meyvə və Tərəvəz Birliyidir. Birliyin direktoru Mixail Qluşkovun dediyinə görə, "naməlum ölkə" bu yaxınlarda statistikada görünüb - may ayında olmayıb.

“Oradan gətirilən həcmlər almanın çox ucuz olduğu bir dövlət olduğunu göstərir. “Naməlum ölkə”dən almanın qiymətləri son dərəcə aşağıdır - almanın ixracının subsidiya verildiyi Moldova və ya Polşa səviyyəsində orta hesabla 598 dollar / ton”, - Qluşkov "Aqroinvestor"a bildirib. Lakin, hazırda Moldovada zəif məhsul var və tədarükün oradan olduğunu düşünsək, ixracatın istehsaldan çox ola biləcəyi ortaya çıxıb".

Rusiya Meyvə və Tərəvəz Birliyi 104 min tonun Rusiya bazarına təsir edən çox böyük bir həcm olduğunu qeyd edib. O, Telegram-kanalında təklif edib ki, bu Polşadan qeyri-leqal tədarük, Serbiya və ya Belarusdan yenidən ixrac, Abxaziyadan və ya separatçı "Donetsk və Luhansk Xalq Respublikaları"dan göndərilə bilər. Düzdür, birlik sonuncu variantı ehtimal etmir - "respublikalar" özləri alma idxalçısıdır, Abxaziya da şübhələr yaradır, çünki həcmlər çoxdur.

 Rusiya Meyvə və Tərəvəz Birliyinin direktoru Mixail Qluşkov

Mütəxəssislər Azərbaycandan alma tədarükünün azaldığını da qeyd edirlər, lakin rəqəmləri göstərmirlər. Qeyd edək ki, Azərbaycan Rusiyada alma bazarında əhəmiyyətli mövqelərə sahib olub.

Rəsmi statistikaya görə, keçən il Rusiyaya 34,5 milyon dollar dəyərində 82,398 ton alma ixrac edilib.

Virtualaz.org

---