Futbol üzrə Avropa Liqasında 2019/20 mövsümünə yekun vurulur.
"Qafqazinfo" xəbər verir ki, bu gün turnirin final oyunu keçiriləcək.
Həlledici qarşılaşmada İspaniya təmsilçisi “Sevilya” ilə İtaliya “İnter”i üz-üzə gələcək.
Niderlandlı Denni Makkelienin idarə edəcəyi matç “Sevilya”nın 6-cı Avropa Liqası finalı olacaq ki, komanda əvvəlki 5 finalda olduğu kimi, yenə kuboku muzeyinə aparmaq niyyətindədir.
Sonuncu dəfə 1998-ci ildə ikinci dərəcəli klub turnirinin qalibi olan “İnter” isə 22 illik fasilədən sonra meydana çıxacağı 5-ci həlledici görüşdə 4-cü titulunu qazanmağı hədəfləyir.
Avropa LiqasıFinal21 avqust
23:00.
“Sevilya” (İspaniya) – “İnter” (İtaliya)Köln. “Reyn Enerji” stadionu.
Tarix: 21-08-2020, 08:22