“Hələ bilinmir ki, ölkə müharibəyə hazır olub, ya yox...” - “İşıqlı Ermənistan”


Ermənistanın müxalifətdə olan “İşıqlı Ermənistan” adlı partiyasının deputatı Anna Kostanyan parlamentdə Nikol Paşinyan hökumətinin təhsil və elm siyasətindəki işini sərt tənqid edib.

Musavat.com Ermənistan mətbuatına istinadən xəbər verir ki, Anna Kostanyan iqtidarın 2020-ci ildə vəd etdiyi heç bir sözü tutmadığını söyləyib.

Onun sözlərinə görə, parlamentdə qəbul edilən ali təhsil haqqında qanun ölkədə təhsilə ağır zərbə endirib, universitetlərin muxtariyyatını azaldıb.

Daha sonra Anna Kostanyan sözü Qarabağ müharibəsinə və 2020-ci ilin noyabrın 9-da imzalanan üçtərəfli anlaşmaya gətirib. Erməni deputatın fikrincə, öz xalqının adından danışan bir adamın vətəndaşlardan heç bir şey gizlətməyə haqqı yoxdur.

“Ümumiyyətlə hələ bu vaxta qədər aydın deyil ki, Ermənistan müharibəyə hazır olubmu. Bundan başqa, Şuşanın düşməsi və Lələtəpə əməliyyatındakı ağır məlubiyyətlə bağlı situasiyanı araşdımaq lazımdır”, - deyə Anna Kostanyan bildirib.
Tarix: 16-04-2021, 18:27
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı