Paşinyan keçmiş Qərargah rəsini çıxılmaz duruma saldı - İclasların stenoqramları yayıldı

Ermənistan Təhlükəsizlik Şurası aparatının mətbuat xidmətinin məxfilikdən çıxarıb ictimaiyyətə təqdim etdiyi iclasların stenoqramları Baş nazir Nikol Paşinyanın mövqelərini gücləndirib.
Belə ki, Silahlı Qüvvələrin Baş Qərargah rəisi Onik Qasparyanın ötən ilin sentyabrında ona Dağlıq Dağlıq Qarabağ ətrafındakı münaqişə zonasında hərbi əməliyyatları dayandırmağı məsləhət görməməsi ilə bağlı açıqlamasını təsdiq edir. Sfera.az-ın TASS-a istinadla məlumatına görə, mətbuat xidmətinin açıqlamasında deyilir ki, Ermənistan Silahlı Qüvvələri Baş Qərargahının keçmiş rəisi Qasparyanın 17 noyabr 2020-ci il tarixli bəyanatına cavab olaraq Təhlükəsizlik Şurası aparatı sözügedən bəyanatda yer alan ifadələrə aydınlıq gətirməyi və məxfi sənədləri dərc etməyi lazım bilir.
Saytda həmçinin Qasparyanın replikalarının yer aldığı üç sənədin skan edilmiş vərəqləri də dərc edilib. Bu stenoqramlara görə, Baş Qərargah rəisi 30 sentyabr 2020-ci il tarixində  "taktiki vəziyyətin dəyişmədiyini" və qoşunların tapşırıqları yerinə yetirməyə davam etdiyini bildirib.
 
Xatırladaq ki, ötən ilin sonunda Qasparyan Qarabağ bölgəsində hərbi əməliyyatlar başlayandan az sonra Paşinyana müharibəni dayandırmağı məsləhət gördüyünü bildirmişdi. Amma baş nazir bu sözləri təkzib edərək Baş Qərargah rəisinin Təhlükəsizlik Şurasına ordunun düşmənlə qarşılaşmağa hazır olduğunu məruzə etdiyini söyləmişdi. Öz növbəsində Qasparyan Nazirlər Kabineti rəhbərini "güc rıçaqlarından  istifadə edərək gerçəkliyi təhrif etməkdə" günahlandırmışdı. Baş Qərargah rəisi ilə baş nazir arasındakı qarşıdurma fevralın 25-də Qasparyanla Ermənistan Silahlı Qüvvələrinin rəhbər heyətinin Paşinyanın istefasını tələb etməsi ilə nəticələndi.  Baş nazir bunu hərbi çevrilişə cəhd kimi qiymətləndirdi və respublika prezidentinə Qasparyanın istefasına dair vəsatət göndərdi. Martın 10-da Paşinyan Qasparyanın artıq öz vəzifəsindən azad edildiyini  bəyan etdi. Buna əsas verənsə prezidentin baş nazir tərəfindən təqdim olunan istefa haqqında fərman layihəsini imzalamamasına baxmayaraq, bu qərarı ləğv etmək üçün Konstitusiya Məhkəməsinə müraciət etməməsi oldu.  Paşinyan Qasparyanın əvəzinə  Artak Davtyanın Baş Qərargah rəisi vəzifəsinə təyin edilməsi üçün prezidentə ərizə təqdim etdi. Az sonra Paşinyan, general leytenant Davtyanın Baş Qərargah rəisi vəzifəsini icra etdiyini bəyan etdi.  O, bildirdi ki, prezidentin baş nazir tərəfindən təqdim edilmiş təyinat haqqında fərman layihəsini imzalamadığını və Konstitusiya məhkəməsinə müraciət etmədiyini nəzərə alaraq, Artak Davtyan qanunla bu vəzifəyə seçilmiş sayılır. (Day.az)