Rusiya ermənilərin Dağlıq Qarabağa kömək xahişini yerinə yetirmədi




Rusiya prezidenti Vladimir Putinə erməni əsilli biznesmenlər Ruben Vardanyanın və Samvel Karapetyanın Dağlıq Qarabağ münaqişəsində Ermənistana kömək etmək xahişi barədə məlumat veriblər.

“Report”un məlumatına görə, bu barədə RBK-ya Rusiya prezidentinin mətbuat katibi Dmitri Peskov bildirib.

"Əlbəttə, prezidentə bütün müraciətlər barədə bildirilib", - Kremlin nümayəndəsi qeyd edib.

Onun sözlərinə görə, biznesmenlərin müraciətlərinin emosional tonu tamamilə aydındır. Rusiya Dağlıq Qarabağda hərbi əməliyyatları qurtarmaq və tərəflər arasında danışıqları yeniləmək üçün mümkün olan hər şeyi edir.

"Bununla belə, indi Moskva tərəfindən belə aktiv addımların atılmasını "təsəvvür etmək çətindir", - Peskov əlavə edib.

Daha əvvəl erməni əsilli biznesmenlər Ruben Vardanyan və Samvel Karapetyan Rusiya prezidenti Vladimir Putinə Dağlıq Qarabağ münaqişəsində Ermənistana kömək etməyi xahiş ediblər.
Tarix: 7-10-2020, 09:03
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı