S-400 raketi uçmadı, qayıdıb hərbçilərin üstünə düşdü



Rusiyanın Həştərxan vilayətindəki Aşuluk hərbi poliqonunda “Army 2020” beynəlxalq ordu oyunları çərçivəsində keçirilən yarış zamanı təhlükəli insident baş verib.
Virtualaz.org xəbər verir ki, avqustun 26-da Rusiya ordusunun Havadan Müdafiə Qüvvələrinin yarışa qatılan heyəti S-400 “Triumf” zenit-raket kompleksindən raket atışı həyata keçirib. Lakin raket uçmaqdan “imtina edib” və geri qayıdaraq hərbçilərin üstünə düşüb.

“İnfoResist” portalı  xəbər verir ki, bu səhnəni Avropa press-foto agentliyinin fotoqrafı Yuri Koçetkov çəkə bilib. Müvafiq görüntülər İnstagram-da da yerləşdirilib, amma bir sutka sonra silinib.
Ehtimal edilir ki, raketin yürüş mühərriki işə düşməyib və nəticədə o, start mühərriki ilə bir neçə metr yuxarı qalxdıqdan sonra “geri qayıdıb”. İstisna deyil ki, raketin istifadə müddəti bitmiş olub.
S-400 “Triumf” zenit-raket kompleksləri Rusiya tərəfindən beynəlxalq silah bazarında geniş reklam edilir və bir çox ölkələr onu almaq üçün növbəyə düzülüblər.

Tarix: 28-08-2020, 20:31
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı