İmişlidə hələ də Vilyam Hacıyevin ağzı ilə danışırlar... - QALMAQAL

İmişlidə hələ də Vilyam Hacıyevin ağzı ilə danışırlar...
Ötən ay İmişli sakinləri Avropa.info-ya müraciət edib, zibillik tüstüsündə boğulduqları barədə şikayət etmişdilər.

Məsələ ilə bağlı bu gün İmişli Şəhər Mənzil-Kommunal Təsərrüfat Birliyinin (MKTB) rəisi Rasim Abışovdan şəhərin Xan Şuşinski, Babək, K.N.Məmmədov və Rövşən Əbilov küçələrində zibilliklərin yandırılması məsələsinə aydınlıq gətirməsi üçün müraciət edib.

Lakin R.Abışov İmişlidə zibillik poliqonu olduğu halda iki gündən bir İmişli Şəhər Mənzil-Kommunal Təsərrüfat Birliyi tərəfindən ətrafdakı zibillər bir yerə yığılaraq yandırılması məsələsinə aydınlıq gətirmək əvəzinə, bu görüntüləri çəkdiyi üçün əməkdaşımızı ittiham və təhqir edib.

Eyni zamanda, Rasim Abışov bu problemlə bağlı şikayət edən sakinləri də təhqir edib.

Qeyd edək ki, MKTB rəisinin əməkdaşımızla telefon danışığı ağır söyüşlərlə ifadə olunduğu üçün Rasim Abışovun danışdıqlarının bir qismini ixtisar etməyə məcbur olduq.

Avropa.info xəbər portalı Rasim Abışova xatırladır ki, "Kütləvi İnformasiya Vasitələri haqqında" qanunun tələblərinə görə, vəzifəli şəxsin jurnalistə informasiya verməsi vəzifə borcudur.

Qeyd edək ki, bir müddət öncə, Rasim Abışov sakinlərin şikayətindən sonra 2000 manat məbləğində cərimələnib. Buna baxmayaraq, həmin ərazidə zibillər toplanaraq zibil poliqonuna aparmayıb, yaşayış evlərinin yaxınlığında yandırılır.



 
Tarix: 21-07-2020, 15:30
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı