Ölkə.az xəbər verir ki, bunu Rusiya Təhlükəsizlik Şurasının katibi Sergey Şoyqu deyib.
"Əminliklə deyə bilərəm ki, başqa bir şirkətin Ermənistanda uzun müddət ən çətin şərtlərdə effektiv şəkildə fəaliyyət göstərən Rusiya dəmir yolu daşıyıcısını tam əvəz edə bilməsi ehtimalı azdır", -Şoyqu vurğulayıb.
Şoyqu əlavə edib ki, təxminən iyirmi il ərzində qurulan sistem sadəcə bir gecədə çökə bilər: “Təbii ki, heç bir "dost ölkə" buna görə məsuliyyət daşımayacaq. Ümid edirəm ki, Ermənistan rəhbərliyi vacib qərarlar qəbul edərkən yalnız vətəndaşlarının maraqlarından çıxış edəcək", - deyə o qeyd edib.
Şoyqu bildirib ki, 2008-ci ilin fevral ayında Ermənistan, Rusiya Dəmir Yolları ASC və Cənubi Qafqaz Dəmir Yolları QSC (Rusiya Dəmir Yolları ASC-nin xüsusi olaraq yaradılmış törəmə müəssisəsi) arasında Ermənistan dəmir yolu sisteminin 2038-ci ilə qədər Cənubi Qafqaz Dəmir Yolları QSC-nin konsessiyasına verilməsi barədə konsessiya müqaviləsi imzalanıb.
Bundan əvvəl baş nazir Nikol Paşinyan Rusiyanın Ermənistanın dəmir yolları üçün güzəşt hüququnu həm Moskva, həm də İrəvan üçün əlverişli olan bir dövlətə satmasını təklif edib. O, variantlar arasında Qazaxıstan, BƏƏ və Qətərin adını çəkib.
