Türkiyənin "Antalyaspor" klubunun israilli futbolçusu Saqiv Yehezkel saxlanılıb.

Türkiyənin "Antalyaspor" klubunun israilli futbolçusu Saqiv Yehezkel saxlanılıb. 

Yenisabah.az xəbər verir ki, bu barədə Anadolu agentliyi məlumat yayıb.

Buna səbəb onun Superliqanın son turunda "Trabzonspor"la keçirilən oyunda qol vurduqdan sonra İsrailə dəstək nümayişi olan jest etməsidir. Futbolçu qol sevincini bölüşərkən biləyində"100 gün... 7 oktyabr" yazısını göstərib ki, bu da İsraillə Fələstinin Qəzza bölgəsində apardığı müharibəyə işarədir. 

"Antalyaspor" isə 28 yaşlı müdafiəçinin komandadan kənarlaşdırıldığı və onunla müqaviləsinin ləğv edilməsi üçün işlərə başlanıldığını açıqlayıb. 

Türkiyə Futbol Federasiyası da yaydığı açıqlamada Saqiv Yehezkeli qınayıb və onun hərəkətinin yolverilməz olduğunu bildirib. 

Qeyd edək ki, 2023-cü ilin yayından "Antalyaspor"da çıxış edən İsrail millisinin üzvünün klubu ilə 2026-cı ilin iyununa qədər müqaviləsi var. 

Tarix: 15-01-2024, 14:27
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı