Ərdoğandan kritik zəng: 30 milyard dollarlıq hədəf...



Türkiyə Prezidenti Rəcəb Tayyib Ərdoğanla İtaliya Baş naziri Mario Draqi arasında telefon danışığı baş tutub.
Axar.az xəbər verir ki, telefon danışığı zamanı Ərdoğan Draqini baş nazir seçilməsi münasibətilə təbrik edib.
İki ölkə arasındakı strateji tərəfdaşlığın gücləndirilməsinin ortaq coğrafiyada sabitlik və rifaha qatqı verəcəyini bildirən Ərdoğan Türkiyə-İtaliya Üçüncü Hökumətlərarası Zirvəsini ən yaxın zamanda reallaşdırmaq istədiklərini söyləyib.
Türkiyə lideri ikitərəfli ticarət həcmini 30 milyard dollara çatdırmaq hədəfinə sadiq olduğunu və xüsusilə müdafiə sənayesində qazandıqları uğurları davam etdirmək istəyini ifadə edib.
Ərdoğan eyni zamanda bildirib ki, Avropa Birliyinə tam üzvlük Türkiyənin strateji hədəfidir:
“İnanıram ki, İtaliya Türkiyəyə güclü dəstəyini davam etdirəcək. Bundan başqa, Türkiyə həm Şərqi Aralıqda, həm də Egeydə sabitlik və əməkdaşlığın tərəfdarıdır”.
Tarix: 24-03-2021, 09:23
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı