Xəbər verdiyimiz kimi, Ermənistanın baş naziri Nikol Paşinyan Rusiya Prezidenti Vladimir Putinə məktub göndərərək iki ölkə arasında 1997-ci ildə bağlanmış müqaviləyə əsasən hərbi yardım istəyib.
Cebhe.info xəbər verir ki, məktuba Rusiya Xarici İşlər Nazirliyindən cavab verilib.
Qurumun sayıtında məktuba cavab təqdim olunub.
Cavabda bildirilib ki, Rusiya Federasiyası ilə Ermənistan Respublikası arasında 29 Avqust 1997-ci il tarixli Dostluq, Əməkdaşlıq və Qarşılıqlı Yardım Müqaviləsindən irəli gələnlər də daxil olmaqla, Ermənistan Respublikası ilə əlaqəli müttəfiqlik öhdəliklərinə görə bu Müqavilənin bir sıra maddələri ölkə ərazisinə silahlı hücum və ya təcavüz aktı təhlükəsi olduqda konkret hərəkətləri nəzərdə tutur. Müqaviləyə uyğun olaraq, Rusiya qarşıdurmalar birbaşa Ermənistan ərazisinə köçürülərsə, İrəvana lazımi bütün köməyi göstərəcək.
XİN Rusiya Federasiyası, Azərbaycan Respublikası və Ermənistan Respublikası Xarici İşlər nazirlərinin bu il 10 oktyabr tarixində Moskvada əldə etdikləri razılaşmalara uyğun olaraq təməl prinsiplərə əsaslanan sülh yolu ilə nizamlanmasına nail olmaq üçün Dağlıq Qarabağ münaqişəsi tərəflərini dərhal atəşkəsə, gərginliyin azaldılmasına və maddi danışıqlara qayıtmağa çağırıb.

---