"26 illik avtokrat heç bir siyasi təcrübəsi olmayan gənc evdar qadına uduzdu”.
Qaynarinfo xəbər verir ki, bunu politoloq Şahin Cəfərli Belarusda keçirilən prezident seçkilərindən danışarkən deyib. O bildirib ki, bunu Lukaşenkonun özü də bilir:
"Bunu özü də, ölkə də, dünya da bilir. 80%-lə qalib gəlmiş lider ordu və OMON-u küçələrə tökməz, interneti kəsməz. Batka legitimliyini itirdi. Belarus xalqı ilk dəfə gördü və hiss etdi ki, dəyişiklik edə bilər. Bu önəmlidir.
Növbəti seçkidə - əgər o vaxta qədər qalsa - məncə, Lukaşenko olmayacaq”.
Qeyd edək ki, avqustun 9-da Belarusda prezident seçkiləri keçirilib. Seçkidə hazırkı prezident Aleksandr Lukaşenko səs çoxluğu ilə qalib elan olunub. Onun əsas rəqibi isə müxalifətin əsas namizədi olan Svetlana Tixanovskaya idi.
Bahar Rüstəmli