Araik Arutyunyan: “Rus sülhməramlıları Qarabağda daimi qalmalıdır”


 
"Rusiya qoşunları regiona yeridilməsəydi, bizim taleyimiz tamamilə başqa cür olardı”.
 
Ovqat.com xəbər verir ki, özünü “DQR” prezidenti adlandıran Araik Arutyunyan Ağdərədə erməni sakinlərlə görüşü zamanı belə deyib.
 
Bildirildiyinə görə, o, regiondakı vəziyyəti şərh edərkən “Arsax”ın “müstəqil dövlət” olduğunu, amma təkbaşına öz təhlükəsizliyini təmin edə bilməyəcəyini vurğulayıb. Araikin məntiqincə, məhz bu səbəbdən Rusiya “sülhməramlıları” Qarabağda daimi qalmalıdır.
 
"Nə 30 il əvvəl qazandığımız uğur tam qələbə idi, nə də indi üzləşdiyimiz məğlubiyyət ölümcüldür. Mübarizəyə davam etmək üçün cəsarət lazımdır. Bu, ən vacib məsələdir. Bizim 30 il ərzində müvəqqəti uğur qazanmışdıq, çünki əgər uğur yekun qələbə deyilsə, o, əsl qələbə sayıla bilməz. Biz indi də uğursuzluğa düçar olmuşuq, bu da məğlubiyyət deyil və mübarizəmizi davam etdirməliyik. Bizim bugünkü işimiz təkcə gündəlik həyatımızı və fəaliyyətimizi deyil, həm də uşaqlarımızın və gələcək nəsillərimizin taleyini müəyyənləşdirir", – Arutyunyan bildirib.



Tarix: 5-08-2021, 17:38
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı