Qarabağ separatçı və terrorçusunun “əmrinə” general Muradovun reaksiyası necə olacaq - maraqlıdır
 
Xankəndidən maraqlı xəbərlər gəlməkdə davam edir. Ermənistan ordusunun Azərbaycanla müharibədə məğlubiyyətindən sonra orada gizli manevrlər baş verir. Nəticədə de-fakto hakimiyyət, Ermənistanın Baş naziri Nikol Paşinyanın şəxsən Qarabağ separatçılarının lideri olaraq təyin etdiyi Arayik Arutunyanın əlindən terrorçu və hərbi cinayətkar Vitali Balasanyanın əlinə keçdi.
 
Bu şəxs müharibənin bütün 44 günündə, döyüşlərdə şəxsən iştirak etmədiyi halda, Ermənistan Respublikasının hərbi və siyasi rəhbərliyini cəsarətlə tənqid etdi. Balasanyanı başa düşmək olar. O, hərbi işlər barədə və müharibənin gedişatı ilə bağlı real məlumatlara sahib olduğu üçün, bu dəfə şöhrət qazanmağın mümkün olmayacağını əsaslı şəkildə başa düşdü. Balasanyan anlayırdı ki, bu müharibədə onu ölmək və ya yaralanmaq, eyni zamanda əsir düşmək perspektivləri gözləyir.
 
Vitalik, ümumiyyətlə özünü Ermənistan ordusunun darmadağın edilməsi prosesindən kənarlaşdırdı. Ancaq müharibənin sonunda yenidən bir mentor və tənqidçi toqası geyinərək yenə çıxdı. “Belə olsaydı, elə olardı” tipli sərsəmləmələri ermənilərin Balasanyanda itirilmiş müharibənin qəhrəmanını tapmaları üçün ona etimad göstərərək və öyrənmiş qulaqlarına yeni əriştə asmalarına imkan verməsi üçün yetərli oldu.

O, gözləntiləri məyus etmədi. Ermənilərə hərbi qisas və Azərbaycanın işğaldan azad edilmiş bütün ərazilərinin qaytarılmasını vəd edir. Ermənistanın bütün bunlara gücünün çatmadığı və olmayacağı aydındır, ancaq Moskanın zingiltisi, məğlubiyyətdən şoka düşən erməni cəmiyyətinin qulaqlarını yaxşıca sığallayır.
 
Vitalik artıq Qarabağın erməni icmasını “prezident”i də daxil olmaqla, “Artsax” liderlərinin “Facebook” sosial şəbəkəsində səhifəsinin olmaması vacibliyi barədə mesajı ilə şoka salıb. Dərhal aydınlaşdırım ki, “Artsax” Xankəndidə istehsal olunan konyak brendinin adı deyil, bütün dünya ermənilərinin xəyalının məhsuludur. Bir fantaziyanın hansı “prezidenti” ola bilər, buna yalnız hallüsinasiyaya alışmış biri cavab verə bilər.
 
Hər halda, bütün ermənilərə gücünün böyüklüyünü nümayiş etdirmək fikrinə düşən Balasanyan, “Facebook” sosial şəbəkəsində müharibə elan etdi. Demək olar ki, bu, Zaxarovun “Həmin Münhauzen” filminin eyni cəsarətlə İngiltərəyə müharibə elan qəhrəmanını xatırladır. Ümumiyyətlə, Balasanyan iş vaxtı “Facebook”-da tapılanların hamısını işdən çıxaracağına söz verdi. Ancaq bu, onun qəribəliyinin sonu deyildi. O, özünü göstərmək həvəsi ilə alışıb-yanır, amma nədən başlayacağını müəyyənləşdirməkdə çətinlik çəkirdi. Sonda Vitalik ağ elədi və müqəddəs məsələyə toxundu.
 

Balasanyanın qərarına görə, yanvarın 1-dən etibarən polis Xankəndinin alkoqol və ya narkotikdən istifadə edən bütün sakinlərini ciddi şəkildə cəzalandıracaq. İndi isə daha bir şok: bu qərar həm də rus sülhməramlılarına aiddir. Vitalikin təhdid etdiyi kimi, içən ruslar general Muradovun köməyi ilə cəzalandırılacaq. Rusların içki içməsini və hətta Yeni il tətillərində qadağan edilməsi qəhrəmanlıq deyil, amma burada bir “cəsurluq” elementləri var.

 
Rusiya sülhməramlı qüvvələrinin Rusiya Federasiyasının hərbi rəhbərliyinə deyil, Qarabağ separatçı və terrorçusu Vitali Balasanyana tabe olduqlarını anlamaq üçün yalnız Rusiya sülhməramlı qüvvələrinin rəhbərliyinin reaksiyasını gözləmək qalır. General Muradovun adından danışaraq, sülhməramlıların sıralarında sərxoşluqla mübarizə üçün yalnız belə sərt tədbirlərin effektiv olacağına işarə vuran Balasanyanı kimsə saxlamasa, növbəti sərsəmləməsi rus sülhməramlılarına dramla maaş ödəmək təklif ola bilər.
 
Bu Xankəndi “Şaxta baba”sının - Balasanyanın Dağlıq Qarabağda yaşayanlara və xidmət göstərənlərə gətirdiyi “hədiyyə” belədir. Bütün bunlar nəyə bənzəyir? Elə “Həmin Münhauzen” filmindən hersoqun iştirakı ilə süjetə: “Müharibə poker deyil! İstədiyiniz zaman elan edilə bilməz! Müharibə ... müharibədir!” 
 
Çox fəal şəkildə qılıncını yelləməyə başlayan Balasanyanın bu həqiqəti anlaması pis olmazdı. Hətta, əgər bu müharibə “Facebook” və alkoqola qarşı elan edilibsə...

---