“Şuşa Azərbaycanın ikinci paytaxtı olacaq” – Ermənilərdən iddia


“Azərbaycan hakimiyyətinin Şuşa ilə bağlı böyük geosiyasi planları var”.

Yenisabah.az erməni KİV-inə istinadən xəbər verir ki, bu barədə Qarabağdakı separatşı rejimin rəhbəri Arayik Arutyunyanın müşaviri David Babayan bildirib.

“Şuşanın itirilməsi Ani şəhərinin itirilməsilə müqayisə edilə bilər. Amma problem ondadır ki, 92-ci ildən bu yana regionda sabitlik üçün əsas faktor olan Şuşa gələcəkdə ciddi geosiyasi mübarizənin katalizatoru rolunu oynaya bilər”, - deyə o əlavə edib.

David Babayan Azərbaycanın Şuşaya yol çəkməsinə toxunaraq bildirib: “Bu onu göstərir ki, Şuşa Bakı üçün yalnız mənəvi dəyər deyil, həm də iqtisadi və hərbi-siyasi mahiyyət daşıyır.

İstisna deyil ki, Şuşa yeni yaranacaq Qarabağ inzibati ərazi vahidinin mərkəzi, yaxud daha çox Azərbaycanın ikinci paytaxtı olacaq”.
Tarix: 9-12-2020, 14:52
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı