Paşinyanın ERATO arvadının son macəraları - "Yerablur"da hər gün qəbir artır


Dekabrın 23-də Paşinyanın həyat yoldaşı Anna Akopyan Facebook səhifəsində “Mənim addımım” partiyası çərçivəsində öldürülən, yaralanan və itkin düşən “Artsax” hərbçilərinin 4750 uşağı üçün Yeni il şənliyi təşkil etmək niyyətində olduğunu yazdı. Amma Akopyanın təşəbbüsü qəzəblə qarşılandı. Ona görə yox ki, Ermənistan və “Artsax” əhalisinin böyük əksəriyyətinin xain hesab etdiyi bir kişinin arvadı xalqın kədəri hesabına “malades” qazanmaq istəyir. Yox. Xalqın qəzəbinə səbəb olan hədiyyələrin 4750 ədəd olması idi. Bu rəqəm İkinci Qarabağ müharibəsində öldürüldüyü ehtimal edilən əsgərlərin sayıdır.

Xatırladaq ki, müxalifət müharibədə ölən və itkin düşənlərin bir çoxunun adını çəkir. Səlahiyyətlilər müharibənin bitməsindən 45 gün sonra nə ölülərin saylarını, nə də əsir götürülən və itkin düşənlərin saylarını açıqlamır. Ona görə də 4750 rəqəmi facebook istifadəçiləri kədər əlaməti olaraq qara bir çərçivədə göstərir. İndi hər şeyi itirmiş, müharibənin nəticəsinə görə cinayət istintaqının predmeti olan (və olacaq) “ali baş komandanın” arvadı bu rəqəmdən Yeni il hədiyyələri hazırlığında isdifadə edir …

Görünən odur ki, 2 il yarımda Paşinyan və onun “Erato”sunun ifrat sinizm təzahürləri də daxil olmaqla hər addımına alışmalı idik. Ancaq işə yaramır və hər dəfə əməlləri şeytanla müqayisə oluna bilən bir insanın nə qədər alçaq və iyrənc olmasına təəccüblənirsən. Çünki hədiyyələrin bu sayda seçilməsi bir təsadüf deyil. Bu, Erato Akobyanın “təbrik” etməyi planlaşdırdığı uşaqların atalarının ruhuna qarşı nümayişkaranə şəkildə bir istehzasıdır. Ehtimal ki, hələ qalıqları tapılmayan və dəfn olunmayanların övladları da bu uşaqların arasındadır.

Nəhəng yara hər vasitə ilə qapadılmaqdadır. “Yerablur”da hər gün qəbir artır. İnsanların əksəriyyəti Yeni il bayramını rədd edir … Akopyanlar üçünsə fərqi yoxdur. Xalqın faciəsindən də dividend əldə etmək istəyirlər.

Elə həmin gün “Artsax”dan olan istifadəçilər sosial şəbəkələrdə Akopyanın Stepanakerti (Xankəndi) şəxsən ziyarət etmək və orada uşaqlar üçün şənlik təşkil etmək niyyətində olduğunu və bu məqsədlə İntibah Meydanında – yarmarka üçün çadır şəhərciyinin qurulduğunu yazdılar. “Xain Paşinyanın arvadı – “Erato”nun rəhbərlik etdiyi dəstə şəhərdəki uşaqlar üçün yeni il hədiyyələri ilə dolu bir stend düzəldəcəklər. Bu tədbiri ləğv etməyinizi qətiyyətlə tələb edirəm. İçərinizdə bir damla ləyaqət və şərəf qalıbsa və itirilmiş uşaqların xatirəsi sizin üçün əzizdirsə, o zaman bu canlıları oradan çıxarmaq üçün əlinizdən gələni edin. Əks təqdirdə sizə xəbərdarlıq edirəm ki, bütün şəhər analarını ayağa qaldıracağam və bunu biz edəcəyik. Hədiyyələriniz başına dəysin. Artıq bizi ələ salmağınıza icazə verməyəcəyik”, – deyə Zakiyan Qarabağdan yazdı.

“Siz Qarabağ xalqını tanımırsınız. İnsanlar, bütün dostlarınıza söyləyin – şənlik, Milad ağacı yoxdur, evdə qalın, vicdan sahibi olun! Ərlə arvad bizi ələ salırlar. Yerabluru çirkləndirdilər və indi Yeni il bayramını pozmağa qərar verdilər. Tədbiri boykot etməliyik”, – deyə başqa bir Stepanakert (Xankəndi) sakini İrina Safaryan yazdı. Müharibə zamanı əla bir fotoqraf kimi tanınan, Stepanakertdəki (Xankəndindəki) Vahram Papazyan Teatrının aktyoru David Kaqramyan yazır: “Xainin ayağının yaralı “Artsaxı”mın torpağına dəymək hüququ yoxdur. Çirkli hədiyyələriniz olmadan da uşaqlarımız üçün Yeni il təşkil edəcəyik”.

“Ermənistan Respublikasının hazırkı Baş nazirinin manqurt həyat yoldaşının şənliyi həqiqi qəzəb və nifrətə səbəb oldu. Taleyin amansız zərbəsi ilə atasız qalan oğulların, övladlarını itirən anaların kədərinə hörmət edərək, bu misilsiz sinizmə qarşı ədalətli etirazımızı bildirməyi təklif edirəm. Yaralarımıza duz səpdiyiniz kifayətdir, gedin…! “, – deyə Sevak Akobyan yazdı.

“Erato” Akopyanın həqiqətən “Artsax”a gedib-getməyəcəyi hələ xəyaldır. Çünki xain ərinin günahları altında işgəncə çəkir, yaralıdır. Bəlkə də bu, xalqın reaksiyasını öyrənmək üçün atılan bir addım idi. Vətənə xəyanət edənlərin həyat yoldaşları açıq şəkildə “Artsax” xalqının onlara münasibətini öyrənməyə çalışdı. Və buna əsaslanaraq getməyə ehtiyac olub-olmadığını öyrənmiş oldu. Şəfqəti bacarmayan, etdiklərinə görə bir utanc və təəssüf hissi belə hiss etməyən, nə vicdanı, nə də qəlbi olmayan, ləyaqətin nə olduğunu bilməyən qeyri-adi insanlar çirkli hədiyyələri ilə “Artsax” xalqının könlünü almağa çalışdılar. Amma bu, alınmadı …

Eyni zamanda, onların bu əməllərinin “Artsax” və bəzi sakinlərlə əlaqəli olduğu ortaya çıxdı. Facebook sosial şəbəkəsində qaldırılan etiraz dalğası, insanların qəzəbi Eratonun şeytani planlarını alt-üst etdi. Stepanakert (Xankəndi) rəhbərliyi bu gün səhər (dünən-red) “şənlik” üçün əvvəlcədən quraşdırılmış avadanlığı sökdü. Çadır-köşklər şəhərin əsas meydanından çıxarıldı. Maraqlıdır ki, paytaxt rəhbərliyi çadırların kimlər tərəfindən qurulduğunu “bilmir”. Belə ki, şəhər bələdiyyə sədrinin müavini Suren Tamrazyan şəhər rəhbərliyinin bu tədbiri təşkil etmədiyini və təşəbbüskarın kim olduğunu bilmir. Meriyadan Anna Akopyanın tədbirinə kimlərin qatılacağı ilə bağlı soruşduqda, “Kimin iştirak etməli olduğunu bilmirəm”, – deyə Tamrazyan bildirib.

Düzü, Akopyan fondunun çadırlarının ən azı 2 gün orda dayandığı üçün “Artsax” rəhbərliyinin bundan xəbərsiz olması inandırıcı deyil. Onlara İrəvandan təlimat verildiyi və Akopyanın və ərinin küfrlü “şənlik” planlarına onların da şərik olduğu gün kimi aydındır. İndi Tamrazyan deyir ki, bizim xəbərimiz yoxdur.

Əlbəttə ki, bu gün Ermənistanın Eratosunun qarşısında heç bir qurum, təşkilat rəhbəri duruş gətirə bilməz. Erato onu müxtəlif yollarla sındırmağı bacarır. Bir anlığa Anna Akopyanın hansı oyundan çıxdığını, ordu komandanlığının qərargahında nələr etdiyini və kimlərlə “isti” münasibətdə olduğunu göz önünə gətirək. Erato çoxlarını əzib, sındıra bilər. Amma erməni xalqıyla istədiyi cür rəftar etməyə onun nə fizioloji, nə də siyasi gücü çatmayacaq.

“Qolos Armeniya”, 25 dekabr 2020.
Tərcümə etdi: KONKRET.az
Tarix: 26-12-2020, 12:30
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı