BANKA OLAN KÜLLİ MİQDARDA BORCUNU QAYTARMAYAN SƏFİR... - “Bizə deyirdi ki, yaxınlarda yüksək vəzifəyə təyin olunacağam”



Tanınmış hüquqşünas Əkrəm Həsənov Azərbaycanın xarici nümayəndəliklərindən birinə rəhbərlik edən şəxsin ölkəmizdəki bir xarici banka külli miqdarda borcunun olduğunu bildirib.
“AzPolitika.info” xəbər verir ki, hüquqşünas “Yeni Müsavat”a açıqlamasında həmin şəxsin hal-hazırda Azərbaycanı xarici ölkələrin birində təmsil etdiyini bildirib: “Şəxsən tanıdığım şəxs vardı, hansı ki, xarici banklardan birindən külli miqdarda kredit alıb qaytarmırdı. Məhkəmə çəkişmələrində bizə deyirdi ki, mən yaxınlarda yüksək vəzifəyə təyin olunacağam. Doğrudan da belə də oldu, onu xarici ölkələrdən birinə konsul təyin etdilər, sonra da daha yüksək vəzifəyə apardılar. Bu adam bu gün Azərbaycanın xarici diplomatik nümayəndəliklərindən birinin rəhbəridir. Əslində isə bu adamın diplomatik fəaliyyətə heç bir aidiyyəti yoxdur, bunun heç təhsili, qabiliyyəti, bacarığı da yol vermirdi. Səfirlik konkret olaraq bu adamlıq deyil, amma oturub vəzifədə...”
Təəssüf ki, hüquqşünas konkret ad çəkmir və nə bankın adını, nə də götürülən kredit məbləğini açıqlamır. Azərbaycandakı xarici kapitallı bankların sayı isə az deyil.
Bunların 8-nin nizamnamə kapitalının 50%-dən 100%-ə qədərini xarici kapital təşkil edir. O cümlədən 2-si xarici bankların yerli filiallarıdır - “Pakistan Milli Bankı” və “Bank Melli İran”.
Bunların arasında daha aktiv kredit siyasəti yürüdənlər kimi isə “AccessBank”, “Yelo Bank”, “Bank VTB”-ni göstərmək olar. Deməli, böyük ehtimalla sözügedən səfir həmin külli miqdarda krediti bu banklardan birindən götürüb. Və yəqin ki, XİN-in yeni rəhbərliyi tezliklə onun kimliyini müəyyən edərək, lazımi tədbirlər görəcək.
Tarix: 21-08-2020, 08:08
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı