Finlandiyadan yeni təhlükəsizlik addımı - TƏHLİL

Finlandiya hökuməti ölkənin müdafiə qabiliyyətinin gücləndirilməsi məqsədilə nüvə silahlarının idxalı və saxlanmasına icazə verilməsini təklif edib.
Finlandiyanın müdafiə naziri Antti Hakkanen bildirib ki, bu təşəbbüs potensial rəqiblərə qarşı çəkindirici təsiri artırmaq və NATO çərçivəsində təhlükəsizlik səviyyəsini gücləndirmək məqsədi daşıyır.
Finlandiyanın belə bir addım atması başa düşüləndir. Rusiya–Ukrayna müharibəsi bitməyib və yeni münaqişələr alovlanır. Bu öz növbəsində regionda riskləri artırır. Xüsusi ilə Finlandiya kimi sərhəd ölkələri daha ehtiyatlı davranmağa məcburdur. Bundan başqa Finlandiya NATO-nun ən gənc üzvlərindədir. Üstəlik alyansın Rusiya ilə sərhəddində yerləşir. Ona görədə müdafiəsini daha da gücləndirməyə çalışır.
Rusiya Prezidenti Vladimir Putinin mətbuat katibi Dmitri Peskov Finlandiyanın nüvə silahlarının idxalı və saxlanmasına icazə verilməsi ilə bağlı təşəbbüsünü şərh edərkən deyib ki, bu addım Moskva tərəfindən müharibə xəbərdarlığı kimi qiymətləndirilir.
“Bu, bir qarşıdurmadır, müharibə xəbərdarlığıdır və bunu məhz belə başa düşmək lazımdır. Üstəlik, bu, qarşıdurmanın daha konsentrasiya olunmuş formasıdır”, – deyə Peskov bildirib.
Rusiyanın narahatlığı başadüşüləndir amma nüvə silahlarının idxalı və saxlanmasına icazə vermək o demək deyil ki, Finlandiya özü nüvə silahı istehsal edəcək. Bu daha çox o deməkdir ki, lazım gəldikdə NATO-nun nüvə imkanları Finlandiya ərazisində yerləşdirilə bilər. Bunun məqsədi potensial rəqiblərə açıq mesaj verməkdir. Yəni Finlandiya tək deyil və ona qarşı hər hansı hücum daha böyük qarşılıqla nəticələnə bilər.
Bu addımın arxasında əsas zərurət çəkindirmədir. Finlandiya hesab edir ki, əgər onun ərazisi daha güclü müdafiə sistemi ilə qorunarsa, ona qarşı riskli addım atmaq istəyən tərəflər iki dəfə düşünəcək. Bu isə onların təhlükəsizliyini artırmaq üçün seçdikləri yoldur. Prinsipcə bu doğru yanaşmadır.

Müəllif: Turan Rzayev,

AXS.az

Tarix: Bu gün, 09:50
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı