Payızın, soyuq ayların ən çox istifadə olunan meyvələrindən biri də heyvadır. Heyvanın faydaları çoxdur.
Amma soyuq aylarda heyvadan ən çox öskürək əleyhinə təbii dərman kimi faydalanırlar.
Saglamolun.az e-tibb.az-a istinadən həkim-fitoterapevt Fizuli Hüseynovun bununla bağlı fikirlərini təqdim edir:
Heyvadan öskürək zamanı çox istifadə olunur. Əsasən də heyva tumlarının suda və ya süddə dəmlənməsindən.
1 ədəd heyva tumunu 1 stəkan süddə (və ya suda) 5 dəqiqə qaynadıb 8-10 saat gözlənilir, süzülür və gün ərzində yavaş-yavaş içilir.
1 ədəd heyvanı qabıqlarını soyub, dilimləyib, zeytun yağında bişirib 3 yerə bölərək gündə 3 dəfə yeməkdən əvvəl hər dəfə 1 hissəsini yemək lazımdır. Bu öskürək və göy öskürək zamanı olduqca faydalı bir reseptdir.
Heyva ağacının yarpaqlarından da öskürək zamanı çay kimi dəmləyib içə bilərsiniz.
