"İşğalın mirası və nişanəsi isə yer üzündən silinməlidir” - POLİTOLOQ

BBC müxbiri azad olunmuş ərazilərdən hazırladığı  reportajda ermənilərin ona verdiyi koordinat əsasında Cəbrayıl rayonu ərazisində tikilmiş kilsənin yerini ziyarət və onun dağıldığını qeyd edib. Bu reportaj Ermənistan XİN-ə  növbəti anti Azərbaycan bəyanatı üçün  bəhanə verib.
Faşist ideologiyanı, milli nifrəti və  hərbi cinayəti dövlət siyasətinə çevirib, işğal etdiyi ərazilərdə vandalizmə imza atan  Ermənistan Azərbaycanı   mədəni  abidələri məhv etməkdə və dini dözümsüzlükdə günühlandırıb.  Ermənilərin bu  əsassız iddialarına Azərbaycan XİN-dən sərt cavab gözlənildiyi halda, Hikmət Haciyevin  həddən artıq təmkinli cavabı ilə tanış olduq. Ermənistanın diplomatiya, psixoloji savaş və təbiliğatı  qarşısında  Azərbaycan tərəfi sanki haqlı mövqeyini müdafiə etməkdə   çətinlik çəkir, yaxud çəkingən davranır. 
 
Bir neçə məqama diqqət yetirmək lazım. Əvvəla Azərbaycan vətəndaşı olaraq azad edilmiş bölgələrə gedə bilmədiyimiz halda, xarici jurnalistlər oraya  rahat səfər edə bilir. Əlbətki gerçəkliklərin dünya kamuoyuna çatdırılması üçün  bu vacibdir. Amma, nə üçün  icazə verən qurumlar onlara marşrut seçmə sərbəstliyi verir və onlar  bələdçi qismində hazırlıqlı şəxslərlə təmin edilmir?  Təhlükəsizlik və təbliğat baxımından onlar hazırıqlı şəxslərin müşayəti ilə  vacib hesab edilən istiqamətlərə yönləndirilməlidir. Ermənilər təhlükəzisizlik məsələlərini əsas gətirərək heç bir xarici jurnalistə Qarabağ və işğal etdikləri ərazilərdə sərbəst hərəkət imkanı tanımayıb. BBC-nin jurnalisti isə ermənilərin məlumatı əsasında onların  həyasızlıqla   “Mexakavan” adlandırdıqları  Cəbrayıldakı kilsə ilə maraqlanıb və ona bu sərbəstlik tanınıb. Əvvəla jurnalist işğal etdiyi əraziləri qaytarmaq əvəzinə, 2017-ci ildə tikilən  bu kilsənin açılışında Ermənistanın siaysi və hərbi rəhbərliyinin iştirakına Azərbaycanın o zamankı etirazı haqqında bilgi verilməli idi. Məhz Azərbaycanın o zamankı bəyanatından sonra ermənilər bu tikilinin kilsə yox, əsgərlərin dua etmə yeri olduğu,   dini abidə statusu daşımadığını açıqlaması  və işğal edilmiş ərazilərdə toponimlərin dəyişdirilməsinin cinayət olduğu   deyilməli idi.  Bu həqiqətlər  sərt şəkildə deyilmədikçə, savaşda darmadağın olan Ermənistan özünə gəldikcə nifrət  dilini uzatmağa başlayacaq. Ermənilərə  azad edilmiş ərazilərdə mədəni abidələrin guya təhlükə altında olduğu haqda tezisi  keçən ilin noyabrında Rusiya XİN-i  Lavrov verdi. O vaxtdan erməni tərəfi bu təbliğatı aparmaqda,  beynəlxalq media və təşkilatların diqqətini cəlb etmək istiqamətində sistemli  fəaliyyət göstərməkdədir. Nəticədə haqlı tərəf olan Azərbaycanın haqsız görüntüsü yaranır. Təbliğat və informasiya  məsələsində XİN-nin fəaliyyəti təqdir olunası səviyyədə deyil. Əslində  Cəbrayıldakı “kilsə”  məsələsinə görə Ermənistana və etdiyimiz  maddi yardımlara baxmayaraq,  4 aydan artıqdır müraciətimizə müsbət cavab verib işğaldan azad edilmiş ərazilərdə dağıdılmış abidələrin durmunu incələmək üçün nümayəndə heyətiu göndərməyən   UNESKO kimi təşkilatlara Azərbaycanın cavabı açıq və konkret olmalıdır: “İşğalçının 4 il əvvəl tikdiyi, işğalın mirası olan  bu tikili heç bir dini, mədəni dəyərə malik deyil. İşğalın mirası  və  nişanəsi isə yer üzündən silinməlidir”.
 
Oqtay Qasımov, Politoloq

---