Həyəcan təbili çalındı: - Dollara tələb 2 faizdən çox artarsa...

Həyəcan təbili çalındı:
Bu gün Azərbaycan Mərkəzi Bankında (AMB) keçirilən növbəti valyuta hərracında 75,1 milyon ABŞ dolları satılıb. Bu barədə AMB-dən məlumat verilib.

Bildirilib ki, bu gün Mərkəzi Bankda növbəti valyuta hərracı keçirilib:

“Hərracda tələb 75,1 milyon ABŞ dolları təşkil edib və tam təmin olunub”. Bu, daha öncə mayın 2-də keçirilən hərracda olan tələbatla müqayisədə 1,6 milyon ABŞ dollar və ya 2,2 % çoxdur. Qeyd edək ki, AMB-nin valyuta hərracı hər həftənin çərçənbə axşamı və cümə axşamları Azərbaycan Dövlət Neft Fondunun iştirakı ilə baş tutur.

İqtisadçı Natiq Cəfərli “Cebhe.info”-ya açıqlamasında bildirib ki, dollara təlabatın artması gözlənilən idi:

“Dollara təlabat bəzən artır, bəzən isə azalır. Bu, ona görə baş verir ki, ölkəmizdə idxal artır. Azərbaycan idxal edən və idxaldan asılı ölkə olduğu üçün dollara tələbat da artır. Burada təşvişə səbəb olacaq hər hansısa ciddi durum yoxdur. Lakin dollara təlabat 2 faizdən çox artırsa, bunun dərin səbəblərini araşdırmaq lazım olacaq”.

Ekspert qeyd edib ki, dollara təlabatın iki faiz səviyyəsində artması norma çərçivəsindədir:

“Ümumiyyətlə, ölkəmizdə dollara olan tələbat bir qədər yüksəkdir.

Yerli istehsalat isə ölkəmizdə aşağı səviyyədədir. Bu da istər-istəməz dollara olan tələbatın artmasına səbəb olur. Əgər bu trend davam edəcəksə və gələcəkdə iki faiz və daha artıq tələb olarsa, onun səbəbləri daha dərindən araşdırılmalıdır”.
Tarix: 7-05-2024, 21:15
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı