Sərhəd təxtribatı Paşinyanın “ikibaşlı” planıdır - GƏLİŞMƏ


Sərhəddə baş verən təxribatlarla bağlı maraqlı məqamlar çoxdur. Əvvəla, Paşinyan hakimiyyəti sülh müqaviləsini mümkün qədər gecikdirməyə, həmçinin sərhədin delimitasiyası və Zəngəzur dəhlizi ilə bağlı müqaviləni imzalamamağa çalışır.

Bu sözləri Axar.az-a politoloq Turab Rzayev Ermənistanın Azərbaycana qarşı törətdiyi son təxribatlar barədə danışarkən deyib.

“Paşinyan çalışır ki, Azərbaycanı müharibəyə təhrik eləsin və Rusiyaya müraciət edir ki, sən bizi qorumalısan. Rusiya bu münaqişəyə müdaxilə etmədikdə isə Paşinyan rus hərbi bazalarının ölkədən çıxması məsələsini dolayısı ilə qaldırır. Yəni ictimai şüurda Rusiyaya qarşı münasibət formalaşdırır və qərbyönlü siyasət yürütmək üçün şərait formalaşdırır. Bu, Paşinyanın ikibaşlı planıdır. Son günlər Ermənistanda Rusiya əleyhinə aparılan mitinqlər də buna hesablanmışdı”, - politoloq bildirib.

T.Rzayev qeyd edib ki, qarşıdurmalarda Ermənistanın revanşist müxalifəti də maraqlıdır:

“Köçəryan da təxribatların artmasına çalışır. Çünki bu zaman Paşinyan cəbhədə uğursuzluqla qarşılaşıb, itkilər verəcək və reytinqi sürətlə azalacaq. Köçəryan bundan istifadə edərək cinayətkar Qarabağ klanını hakimiyyətə gətirmək istəyir. Buna Rusiyadan müəyyən dairələr də dəstək verir. Çünki Köçəryan Ermənistanı Qərbin əlindən alıb, birbaşa Rusiyanın ağuşuna atacaq”.
Tarix: 17-11-2021, 16:44
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı