Sakinlər icra başçısını axtarır... - Onun isə heç nədən qorxusu yoxdur...

Sakinlər icra başçısını axtarır...
"Alimpaşa Məmmədovu görən olmayıb? Bəlkə Bakıdadır? Keçən həftə şəmkirliləri qəbul etməyib. Pandemiya da səngiyib. Hətta onlayn da qəbul olmayıb". Bunu DİA.AZ-a müraciətlərində bir qrup Şəmkir sakini bildirib.

Daha sonra sakinlər dia.az-a yazır: "Alimpaşa Məmmədovu təkcə son bir həftədə yox, ondan əvvəl də görməmişik. Sadəcə şahidlər deyir ki, filan vaxtı rayonda olub. Amma son həftə ərzində kimsə görməyib. Heç nə demirik, qayıtsın rayona... Şikayət də etməyəəyik. Təki bilək ki, Şəmkirin icra başçısı var..."

Dia.az-a yazan narazı vətəndaşların sözlərinə görə, nə Alimpaşa Məmmədov, nə də rayonda rəhbərliyə aid bir kimsə sakinləri düşünmür: "Onlar pul qazanmaq barəsində düşünürlər. Hətta başqa rayonlarda DTX-nin keçirdiyi əməliyyatlar da onları qorxutmayıb. Düşünürlər ki, Alimpaşa Məmmədov bu vaxta qədər başını salamat saxlaya bilibsə, bundan sonra da toxunulmaz qalacaq".

Daha sonra sakinlər bildirir ki, bu günlərdə Alimpaşa Məmmədovun adına rayon mərkəzndəki boş yerlərdən biri ilə bağlı tikinti icazəsi alınması məqsədilə müraciət edilib: "Bizdən 12 mn manat istədilər. Dedik ki, bəs qorxmursunuz? Başçının adından pulu istəyən - araçılıq edən şəxs bildirdi ki, pulun faizi hamının arasında bölüşdürülür deyə qorxmurlar. Yəni hamının payı çatır..."

İddia olunanlarla bağlı dia.az olaraq bütün maralıq tərəfləri dinləməyə hazırıq...
Tarix: 15-09-2020, 16:23
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı