Generalın sənətçi qızının sürücülük hüququ məhdudlaşdırıla bilər

Generalın sənətçi qızının sürücülük hüququ məhdudlaşdırıla bilər

Fövqəladə hallar nazirinin müavini, tibb xidməti general-leytenantı Faiq Tağı-zadənin qızı Səidə Tağı-zadə inzibati məsuliyyətə cəlb olunub. 

Qaynarinfo-nun məlumatına görə, Səidə Tağı-zadə barəsində İnzibati Xətalar Məcəlləsinin 529.3-cü maddəsi ilə inzibati protokol tərtib edilib. 

İş baxılması üçün Xətai Rayon Məhkəməsinə göndərilib. Fuad Axundov iş üzrə hakim təyin edilib.

529.3-cü maddə yol hərəkəti qaydaları əleyhinə olan inzibati xətaların, yaxud İnzibati Xətalar Məcəlləsinin 353.1, 353.2, 353.4 və ya 353.5-ci maddələrində nəzərdə tutulan inzibati xətaların törədilməsinə görə inzibati cərimə növündə inzibati tənbeh tətbiqetmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsi ilə bağlıdır. 


Aydın olur ki, Səidə-Tağı-zadə bundan əvvəl də inzibati məsuliyyətə cəlb edilib. Lakin inzibati tənbeh tətbiqetmə barədə qərarı icra etməyib. Bu baxımdan, onun barəsində yenidən inzibati protokol tərtib edilib. 

529.3-cü maddəyə əsasən, nəqliyyat vasitəsini idarə etmək hüququ altı aydan bir ilədək müddətə məhdudlaşdırılır.

Qeyd edək ki, Səidə Tağıza-də tanınmış pianoçudur. 
Tarix: 4-10-2024, 12:23
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı