"'Heyətdə təkcə Vüqar Səfərli yoxdur'' deyib hırıldaşırdılar..." - Baş redaktordan HAQLI İRAD


"Əli Həsənovun qılıncının hər iki tərəfi kəsən vaxtı onun kürəkəni İsfəndiyar Mehbalıyevlə bağlı yazı yazmışdım. Əli Həsənova ibadət edən bir baş redaktor mənə zəng edərək irad bildirdi ki, niyə İsfəndiyarla bağlı xəbərdə onu Əli Həsənovun kürəkəni kimi vermişəm? Əsaslandırmağa çalışdı ki, guya İsfəndiyarın atası Səttar Mehbalıyev də balaca kişi deyil, özü də super oğlandır və sair...”

Sfera.az xəbər verir ki, bu sözləri öz Facebook səıhifəsində "Criminal.az" saytının baş redaktoru Anar Məmmədov yazıb. Jurnalist vaxtı ilə Əli Həsənovun mövqeyindən çıxış edən bəzi redaktorların indi ona qarşı olduğunu bildirib:

"Ona bildirdim ki, ay Əli aşiqi, İsfəndiyar prokuror köməkçisi olan vaxtı Ədliyyə naziri Fikrət Məmmədovun oğluna qarşı etdiyinə görə prokurorluq sıralarından, ümumiyyətlə hüquq-mühafizə orqanlarından silinmişdi. Əli Həsənovla qohum olandan sonra xoşbəxtliyini polisdə tapdı və bu gün də xoşbəxtliyi davam edir
İndi baxıram ki, həmin baş redaktorun saytında xəbər başlığı ''Əli Həsənovun polkovnik kürəkəninə töhmət verildi'' kimi verilib və Əli Həsənovun şəkli qoyulub".

A.Məmmədov keçmiş KİVDF sədri Vüqar Səfərlinin də adını çəkib: "Ey Əli Həsənov, siz kimləri ''kişi'' etdiniz, əvəzində hansı ''kişiliyi'' görürsüz... Söz düşmüşkən bunu da deyim. Şənbə günü media nümayəndələri ilə Ağdama gedəndə Əli Həsənova ibadət edən bir qrup baş redaktor avtobusda bir-birinə ''heyətdə təkcə Vüqar Səfərli yoxdur'' deyib hırıldaşırdılar...".
Tarix: 15-03-2021, 21:36
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı