"Bir yara sarıyaram, kömək edərəm, heç olmasa ermənin bir gülləsini soyudaram" - Rəşid Mahmudov

"Bir yara sarıyaram, kömək edərəm, heç olmasa ermənin bir gülləsini soyudaram"
“İndiyə kimi nə yaxşı Amerika, Fransa, Avropa Birliyi bu məsələnin həllinə çalışmırdı? İndi müharibə başlayan kimi çalışırlar ki, bunu dayandırsınlar”

Bunu Moderator.az-a açıqlamasında tanınmış ictimai xadim, Tibb Universitetinin dosenti Rəşid Mahmudov deyib. R.Mahmudov heç kimə qulaq asmadan torpaqlarımızı işağldan azad etməyimizin vacibliyini vurğulayıb:

“Mən çox sevinirəm, nəhayət ki, bu gün gəldi çatdı. Bu çoxdan belə olmalıydı. Türk qardaşlarımız da sağ olsunlar, bizə dəstək olurlar. Bizim ordumuz düşmənə layiqincə cavab verəcək və torpaqlarımızı işğaldan azad edəcək. Amma mən arzu edirəm ki, qısa müddətdə torpaqlarımızı işğaldan azad edək. Çünki ermənilərin havadarları əl-ayağa düşüblər, yenə müharibəni dayandırıb danışıqlar yoluyla problemin həll ediləcəyi vədini verib bizi aldatmaq istəyirlər. İndiyə kimi nə yaxşı Amerika, Fransa, Avropa Birliyi bu məsələnin həllinə çalışmırdı? İndi müharibə başlayan kimi çalışırlar ki, bunu dayandırsınlar. Biz heç kimə qulaq asmalı deyilik, torpaqlarımızı işğaldan azad etməliyik”.

R.Mahmudov bu gün də cəbhəyə getməyə, əsgərlərimizə dəstək olmağa hazır olduğunu bildirdi:

“Biz dünən müharibənin başlanması xəbərini eşidəndə həkimlər toplaşdı. Biz dedik ki, müharibəyə gedək və elə oldu ki, həkim yoldaşlarımızdan bir neçəsi cəbhəyə ezam olundu. Amma bu gün mən də cəbhəyə getməyə hazıram, bir yara sarıyaram, kömək edərəm, heç olmasa ermənin bir gülləsini soyudaram. Qarabağ məsələsinə son qoymalıyıq və bunu Rusiya da bilməlidir. Rusiya ermənini belə çox istəyirsə, Moskvadan Urala qədər qara torpaq sahəsi var aparsın erməniləri orda yerləşdirsin. Bunların nə işi var bizim torpağımızda? Rusiya bilməlidir ki, onun daxilində bizim on milyonlarla türkümüz yaşayır. Rusiyanı içindən devirərik”.
Tarix: 29-09-2020, 08:04
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı