"Özünə “ziyalı” deyib ən aşağı “kəntoş” düşüncəsində olan..." - Natiq Cəfərlidən SƏRT SÖZLƏR

 

İki gündür ABŞ-da aləm bir-birinə dəyib, Tramp çıxışlarının birində dedyib ki, əgər əlləri dezinfeksiya edən maddə koronavirusu öldürürsə, nədən o dezinfeksiya məhlulunu insanlar injektə yolu ilə daxilə qəbul etməsin?! Bu yolla virusa qalib gəlmək olar!
 
Bu sözlərdən sonra həkimlər, alimlər, Demokrat Partiyasından olan siyasətçilər Trampı tənqid etməklə yanaşı insanlara da müraciət etdilər ki, nəbadə dezinfeksiya məhlulunu içəsiniz, iynə ilə özünüzə vurasınız – bu kütləvi zəhərlənməyə və ölüm hallarına gətirib çıxara bilər.
 
Bu məsələnin qızışdığı zaman bir nəfər Demokrat Partiyasının tərəfdarı açıqlama verdi ki, ey insanlar, nədən xəbərdarlıq edirsiniz?! Əgər elə savadsız, mənasız, axmaq bəyanata inanıb dezinfeksiya məhlulunu içib, iynəsini vurub ölənlər olacaqsa, imkan verin ölsünlər – ABŞ-a belə “tupoy” adamlar lazım deyil. Bu bəyanat da qınaq obyekti oldu...
 
Mən, təbii ki, dünyada heç bir insanın ölməsini, telinə belə ziyan dəyməsini istəmirəm, bunu istəmək insanlıq dışı düşüncədir, bizim ölkəmizə ABŞ-da olan bu məsələni başqa bucaqdan proyeksiya etsək: 27 ildir insanları aldadan, özünə “ziyalı” deyib ən aşağı “kəntoş” düşüncəsində olan savadsız, vicdansız, tərbiyyəsiz adamlar var - ən pisi də odur ki, belələrinə inananlar da var. Bu insanlar və onlara inananlar “demokratiya” sözünün “D” hərfindən belə xəbərləri yoxdur, onların ayrı düşüncəyə, özəl həyata bir qram dözümlülüyü yoxdur, məhz buna görə də təhlükəli adamlardırlar. Bəzən biz özümüzə əl qatıb inanmış insanları ayıltmağa, düşünməyə dəvət edirik, sevinirəm ki, çox vaxt da bu alınır – insanlar ayılır və düşünməyə başlayır. Amma bütün çabalara rəğmən o kəsmə, o “ziya(lı)nvericilərə” inanmaq istəyən, onlara bənzər siyasətçilərin hər axmaq yazılarını, boğazdan yuxarı pafoslu, amma içiboş çıxışlarını bəyənən, paylaşan kəsm varsa – imkan verək elə onlarla birgə batsınlar, tarixin arxivinə rədd olsunlar. Onların düşük və mənasız fikirlərini nədən ciddiyə alıb reaksiya verək ki?! Bu zaman bu siyasi və ictimai “neandertallar”özlərini tanınmış, vacib adam zad saymağa başlayırlar. Ona görə də, iqnor edin, fikir verməyin, zatən sönüb-gedirlər...
 
Natiq Cəfərli
Tarix: 26-04-2020, 22:30
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı