Yevlax MERO-da texniki baxış qiyməti 5 dəfə qalxıb - Şikayət





Ucar sakini Babayev Famil Cümşüd oğlu Regionnews.az saytına qarşılaşdığı problemlə bağlı müraciət göndərib. 
Ucar şəhəri H.Əliyev prospekti, bina 138, mənzil 1 sakini, 1-ci qrup Qarabağ müharibəsi əlili Babayev Famil Cümşüd  oğlunun şikayətini olduğu kimi dərc edirik.  
 
"Mən 1-ci Qarabağ müharibəsində ağır yaralanıb 1-ci qrup əlil olmuşam. Mən buna görə fəxr edirəm, qürur duyuram. Ancaq mən şəxsən xəcalət çəkirəm ki, Yevlax Rayonlararası Qeydiyyat, İmtahan və Texniki Baxış Şöbəsinin əməkdaşı Süleymanov Elşən Fikrət oğlu adlı yaramazı rəis təyin ediblər.

Yevlax Rayonlararası Qeydiyyat, İmtahan və Texniki Baxış Şöbəsinin əməkdaşı Elşən Süleymanovun atası Fikrət Süleymanov Göyçayda böyük biznes sahibidir.
Elşən Süleymanov atasının kapitalı hesabına Texniki baxış şöbəsinə rəis təyin edilib. Daha doğrusu, dövlət idarəsində özü üçün biznes qurub. Elşən Süleymanov bu vəzifəyə rəis təyin ediləndən sonra avtomobillərin texniki baxışı rüsumundan 5 dəfə artıq qiymətə qaldırılb. Hətta avtomobilləri Texniki Baxış Şöbəsinə gətirmədən yoxlanışdan keçmədən texniki baxış sənədi almaq olur. Bunu isə orada olan video-müşahidə kameralarına baxmaqla subut etmək çox asandır. Həmçinin ora gələn avtomobillərə heç bir baxış keçirilmir, texniki baxış sənədi təqdim edilir. Bu minvalla Elşən Süleymanov bu vəzifəyə təyin olunduğu 5 ay ərzində atasının yuxarıya verdiyi pulu çıxarmışdır.

Əyyaş hərəkətlər aludəçisi olan Elşən Süleymanov sərxoş olanda hər yerdə deyir ki, bu vəzifəyə təyinat almaq üçün yuxarı 200.000 (iki yüz min) manat pul vermişik.
Qeyd edim ki, polis kapitanı Elşən Süleymanovun sərxoş vəziyyətdə avtomobili sürətlə sürməsi nəticəsində 11 may 2019-cu il tarixdə Göyçay rayonunda ağır yol nəqliyyat hadisəsi baş vermişdir. “Mercedes” və “Toyota” markalı minik avtomobillərinin toqquşması nəticəsində rayonun Müskürlü kənd sakin Qurbanov Vusal Fərman oğlu ölmüş, Göyçay şəhər sakinləri  Kərimli Məmməd Əlimövsüm oğlu, Azadov Pərviz Yelmar oğlu, Rüstəmov Nofəl Oqtay oğlu və Kərimli Simran Akif oğlu ağır xəsarət almışdılar. 
Həmin vaxtı Elşənin atasının pulları onu məsuliyyətdən kənarda saxlaya bilmişdi. Elşən Süleymanov tərəfindən baş vermiş cinayət hadisəsinin məsuliyyətini bir nəfər şəxs öz üzərinə götürmüşdür. Ancaq avtomobilin həmin vaxt hərəkətdə olduğu yoldakı müşahidə kameralarında aydın görünüb ki, sükan arxasında Elşən Süleymanov özü olmuşdur.
Cəzasızlıqdan azğınlaşmış Elşən Süleymanov kimi yaramazın indi belə bir vəzifədə işləməsi yolverilməzdir.

Elşən Sülüymanovu bu vəzifəyə təyin etməmişdən əvvəl onun şəxsiyyəti, səviyyəsi və əməlləri yoxlanılmalı idi.
Mən şəxsən Qarabağ müharibəsində iştirak edib əlil olmağıma görə fəxr etsəm də, Elşən Süleymanov kimi yaramazın, əyyaşın və korrupsionerin belə bir vəzifədə təmsil olunmasına görə çox xəcalət çəkirəm.

Mən mətbuat vasitəsi ilə Azərbaycan Respublikasının Prezidenti cənab İlham Əliyevdən, Daxili İşlər Naziri cənab Vilayət Eyvazovdan və Baş Dövlət Yol Polisi İdarəsinin rəisi cənab Ramiz Zeynalovdan xahiş edirəm şikayətimi mənim iştirakımla araşdırılmasına göstəriş verəsiniz və korrupsiya əməlləri ilə məşğul olan Yevlax Rayonlararası Qeydiyyat, İmtahan və Texniki Baxış Şöbəsinin əməkdaşı Elşən Süleymanovun barəsində ciddi tədbirlər görəsiniz."

Qarşı tərəfin də fikirlərini dərc etməyə hazırdır.
Tarix: 31-08-2021, 11:51
Xəbəri paylaş


Xəbər lenti

Gündəm

Əyalət

Siyasət

Cəmiyyət

Hadisə

Şou biznes

Sosial

İdman

Sağlamlıq

Maraqlı

Maraqlı